Manasvi Choudhary
हॉटेलमध्ये गेल्यानंतर व्हेज क्रिस्पी खायला सर्वानाच आवडते. व्हेज क्रिस्पी हा चमचमीत पदार्थ आहे. लहानांपासून मोठ्यांपर्यत सर्वांना आवडते.
व्हेज क्रिस्पी घरी बनवण्याची रेसिपी अत्यंत सोपी आहे. तुम्ही घरीच अत्यंत सहज व्हेज क्रिस्पी बनवू शकता.
व्हेज क्रिस्पी बनवण्यासाठी फ्लॉवर, गाजर, फरसबी, सिमला मिरची, कॉर्न, कॉर्नफ्लोर, मैदा, तांदळाचे पीठ, आले- लसूण, मीठ, काळी मिरी पावडर, तेल, हिरवी मिरची, शेजवाना सॉस, रेड चिली सॉस, साखर किंवा मध हे साहित्य एकत्र करा.
व्हेज क्रिस्पी बनवण्यासाठी सर्वात पहिले सर्व भाज्या स्वच्छ धुवून बारीक चिरून घ्या. एका भांड्यात फ्लॉवर आणि कॉर्न गरम पाण्यात वाफवून घ्या.
एका बाऊलमध्ये मैदा, कॉर्नफ्लोर, तांदळाचे पीठ, आले- लसूण पेस्ट, मीठ आणि थोडे पाणी घालू मध्यम घट्ट पीठ तयार करा.
यानंतर सर्व भाज्या या मिश्रणात घोळवून गॅसवर कढईत गरम तेलामध्ये कुरकुरीत फ्राय करून घ्या.
गॅसवर दुसऱ्या बाजूला कढईत गरम तेलामध्ये लसूण, आले, हिरवी मिरची परतून घ्या नंतर या मिश्रणात शेजवान, सोया सॉस, चिली सॉस, चवीनुसार मीठ घाला.
अशाप्रकारे तुमची व्हेज क्रिस्पीची ग्रेव्ही तयार होईल. यानंतर मिश्रणात पाण्यात कॉर्नप्लोर मिक्स करून टाका.
शेवटी संपूर्ण भाज्या या मिश्रणात मिक्स करा आणि मध्यम आचेवर सर्व मिश्रण शिजवून घ्या.