Shreya Maskar
कोकणात प्रामुख्याने सणासुदीला 'वाटपाची डाळ' बनवली जाते. ही पारंपरिक रेसिपी खायला खूपच चवदार आहे. तसेच जेवणाची रंगत वाढवते.
कोकण स्पेशल वाटपाचे वरण बनवण्यासाठी ओलं खोबरं, कोथिंबीर, जिरं, कांदा, हिरवी मिरची, तेल, मोहरी, कढीपत्ता, हिंग, हळद, तुरीची डाळ, पाणी, मीठ इत्यादी साहित्य लागते.
कोकण स्पेशल वाटपाची डाळ बनवण्यासाठी सर्वप्रथम तुरीची डाळ शिजवून घ्या. थोडी पातळ करून घ्या.
मिक्सरच्या भांड्यामध्ये कांदा, जिरं, हिरव्या मिरची,कोथिंबीर, खोबरे आणि पाणी टाकून घट्टसर पेस्ट बनवून घ्या.
पॅनमध्ये तेल गरम करून त्यात मोहरी, कढीपत्ता, हिंग, हळद घालून चांगली फोडणी द्या.
फोडणी छान परतली की त्यात वाटण घाला. यात पाणी टाकून एक उकळी काढून घ्या.
डाळ छान उकळल्यावर त्यात शिजवलेली तुरडाळ मिक्स करा. तुम्ही यात उकडलेले बटाटे देखील टाकू शकता. यामुळे डाळीची चव वाढते.
वाटपाची डाळीला छान उकळी आली की वरून त्यात तूप टाका. गरमागरम भातासोबत वाटपाच्या वरणाचा आस्वाद घ्या.