Shreya Maskar
पंजाबी स्टाइल आलू पराठा बनवण्यासाठी मैदा, उकडलेले बटाटे, कांदा, लसूण पेस्ट, कोथिंबीर, धना-जिरे पावडर, लाल तिखट, तूप आणि मीठ इत्यादी साहित्य लागते.
आलू पराठा बनवण्यासाठी मैद्याची चांगली कणिक मळून घ्या. त्यासाठी बाऊलमध्ये मैदा, तेल आणि मीठ मिक्स करा. पीठ मऊ असू दे.
मळलेल्या पीठाला थोडे तेल लावून १०- १५ मिनिटे बाजूला ठेवून द्या. यामुळे पराठे मऊ आणि खुसखुशीत होतील.
बटाट्याचा मसाला तयार करण्यासाठी बाऊलमध्ये उकडलेले बटाटे चांगले स्मॅश करा. यात कांदा, लसूण पेस्ट, कोथिंबीर, हळद आणि इतर मसाले घालून मिश्रण छान एकजीव करा.
शेवटी यात चवीनुसार मीठ घाला. आता मैद्याच्या पिठाचे छोटे गोळे करून त्यांची पारी करा.
मैद्याच्या पारीमध्ये बटाट्याचा मसाला भरून पराठे लाटून घ्या. सारण जास्त भरू नका. नाहीतर पराठा फुटेल.
पॅनमध्ये तूप टाकून आलू पराठा दोन्ही बाजूंनी गोल्डन फ्राय करा. तुपात आलू पराठा खूपच चवदार बनतो.
दहीसोबत आलू पराठ्याचा आस्वाद घ्या. पंजाबी स्टाइल आलू पराठा तुमची सकाळची भूक भागवेल. तसेच पोट दीर्घकाळ भरलेले राहील.