Manasvi Choudhary
वास्तुशास्त्र आणि ज्योतिषशास्त्रामध्ये आपल्या दैनंदिन जीवनातील अनेक लहान-सहान गोष्टींना आणि घटनांना विशेष महत्त्व दिले आहे.
बऱ्याचदा आपल्याकडून नकळत घरात काही वस्तू हातातूनखाली पडतात आणि आपण त्याकडे दुर्लक्ष करतो. परंतु, वास्तुशास्त्रानुसार काही विशिष्ट वस्तूंचे हातातून खाली पडणे हे भविष्यात घडणाऱ्या वाईट घटनांचे किंवा संकटांचे संकेत मानले जाते.
हातातून कोणत्या 5 वस्तूंचे पडणे अशुभ मानले जाते, याविषयी वेबस्टोरीतून जाणून घ्या.
पूजेच्या किंवा आरतीच्या वेळी जर अचानक हातातून दिवा खाली पडला, तर ते अत्यंत अशुभ मानले जाते. धार्मिक मान्यतेनुसार, यामुळे घरात नकारात्मक ऊर्जा वाढू शकते. अशा वेळी तात्काळ देवाची क्षमा मागून दुसरा दिवा प्रज्वलित करावा.
वास्तुशास्त्रानुसार, जर तुमच्या हातातून चुकून देव-देवतांची मूर्ती किंवा प्रतिमा खाली पडली, तर हे घरात येणाऱ्या एखाद्या मोठ्या संकटाचे किंवा कुटुंबातील सदस्यावर येऊ शकणाऱ्या अडचणीचे लक्षण मानले जाते.
पूजा किंवा शुभ कार्यासाठी वापरण्यात येणारा कलश अचानक हातातून सरकून खाली पडणे किंवा सांडणे अत्यंत अशुभ मानले जाते. हे भविष्यात कुटुंबावर मोठे संकट ओढवण्याचे किंवा आर्थिक नुकसान होण्याचे संकेत देऊ शकते.
देवाला नैवेद्य दाखवताना किंवा वाटताना जर हातामधून प्रसाद खाली सांडला, तर याला देव अनादर मानले जाते. वास्तुशास्त्रानुसार हातातून प्रसाद पडणे देखील अशुभ मानले गेले आहे.
हिंदू धर्मात कुंकू हे माता लक्ष्मीचे, अखंड सौभाग्याचे आणि वैवाहिक आयुष्याचे प्रतीक मानले जाते. जर तुमच्या हातातून कुंकूची डबी किंवा कुंकू जमिनीवर सांडले, तर ते अपशकुन मानले जाते आणि आगामी काळात काही अडचणी येण्याचे संकेत यात मानले जातात.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.