Manasvi Choudhary
वांग्यांची रस्सा भाजी खायला चविष्ट लागते. वांग्यांची भाजी बनवण्याची रेसिपी अत्यंत सोपी आहे.
वांग्यांची रस्सा भाजी बनवण्याची रेसिपी अत्यंत सोपी आहे. तुम्ही सहज अगदी घरी ही रेसिपी बनवू शकता.
वांग्यांची रस्सा भाजी बनवण्यासाठी वांगी , टोमॅटो, आलं- लसूण पेस्ट, भाजलेले शेंगदाणे, सुके खोबरे, कांदा लसूण मसाला, गरम मसाला, कोथिंबीर हे साहित्य एकत्र करा.
वांग्याची रस्सा भाजी बनवण्यासाठी वांगी चिरून मिठाच्या पाण्यात ठेवा, यामुळे ती काळी पडत नाहीत आणि त्यांचा कडवटपणा निघून जातो.
भाजलेला कांदा, भाजलेले खोबरे, आले, लसूण आणि कोथिंबीर हे सर्व एकत्र मिक्सरला लावून थोडं पाणी घालून बारीक वाटून घ्या.
गॅसवर कढईत तेल गरम करा. त्यात मोहरी, जिरे, हिंग आणि कढीपत्ता टाका. आता तयार केलेले 'वाटण' तेलात टाका.
वाटण तेल सोडेपर्यंत मध्यम आचेवर परतून घ्या. त्यानंतर त्यात हळद, कांदा-लसूण मसाला आणि गरम मसाला घालून पुन्हा १ मिनिट परता.
आता वांग्याच्या फोडी मसाल्यात टाका आणि मसाला वांग्याला नीट लागेल असे मिक्स करा. वरून शेंगदाण्याचा कूट घाला.भाजीवर मीठ घालून झाकण ठेवा आणि त्यात पाणी घाला भाजी वाफेवर शिजवून घ्या.अशाप्रकारे गरमा गरम बटाटा रस्सा भाजी सर्व्हसाठी तयार होईल.