Manasvi Choudhary
वांग्याची तीच तीच मसालेदार भाजी खाऊन कंटाळा आला असेल तर आज नवीन रेसिपी ट्राय करा.
वांग्याचं झणझणीत भजीत खायला अनेकांना आवडते. प्रत्येकाची भरीत बनवण्याची पद्धत वेगवेगळी आहे. आज आपण भाजलेल्या वांग्याचं भरीत कसं बनवायचं? ही रेसिपी पाहूया.
वांग्याचं भरीत बनवण्यासाठी वांगी, कांदा, हिरवी मिरची, लसूण ठेचा, मीठ, शेंगदाण्याचा कूट, गरम मसाला, धना पावडर , जिरे, मोहरी, हळद, कोथिंबीर, तेल हे साहित्य एकत्र करा.
वांग्याचं भरीत बनवण्यासाठी सर्वातआधी वांगी स्वच्छ धुवा. त्यानंतर सुरीने त्यावर बारीक चिरा पाडून घ्या. चिरलेल्या वांग्यांना थोडे तेल लावा आणि गॅसवर भाजून घ्या.
वांगं भाजून घेतल्यानंतर त्याची साल काढून घ्या. त्यानंतर एका प्लेटमध्ये वांग्याला मॅश करा.
गॅसवर फोडणीसाठी कढईत गरम तेलामध्ये मोहरी, जिरे, कढीपत्ता, बारीक चिरलेला कांदा चांगले परतून घ्या.
कांदा साधारण सोनेरी झाला की त्यात लसणाचा ठेचा, गरम मसाला, हळद पावडर आणि धना पावडर मिक्स करा.
मिश्रण व्यवस्थित परतल्यानंतर त्यात मॅश केलेलं वांगं परतून घ्या. नंतर शेंगदाण्याचा कूट मिक्स , चवीनुसार मीठ घालून मिश्रण एकजीव करा. साधारण ५ ते ७ मिनिटे मिश्रण शिजवून घ्या. अशाप्रकारे घरच्या घरी गरमा गरम वांग्याचं भरीत तयार होईल.