Shreya Maskar
व्हॅलेंटाईन वीकला सुरुवात झाली आहे. 'व्हॅलेंटाईन डे' काही दिवसांवर येऊन ठेपला आहे. 'व्हॅलेंटाईन डे' ला तुम्हाला घरबसल्या सुंदर, ग्लोइंग त्वचा हवी असेल तर झटपट साबुदाणा फेस पॅक बनवा.
साबुदाणा फेस पॅक बनवण्यासाठी साबुदाणा, मुलतानी माती, बेसन , गुलाब जल आणि लिंबाचा रस इत्यादी साहित्य लागते. तुम्ही यात थोडे दही देखील टाकू शकता.
साबुदाणा फेस पॅक बनवण्यासाठी बाऊलमध्ये भिजवलेला साबुदाणा आणि लिंबाचा रस मिक्स करून घ्या. त्यानंतर हे मिश्रण मिक्सरमधून वाटून घ्या.
तयार मिश्रण एका बाऊलमध्ये काढून त्यात मुलतानी माती, बेसन आणि गुलाब जल टाकून फेस पॅक तयार करा.
जर तुमची त्वचा तेलकट असेल तर, या मिश्रणात मुलतानी माती मिक्स करा. नाहीतर बेसन घाला. ही गोष्टी कायम लक्षात ठेवा. जेणेकरून तुमची त्वचा अधिक ग्लो करेल.
तयार फेस पॅक चेहऱ्यावर १५ -२० मिनिटे लावा आणि त्यानंतर चेहरा धुवा. चेहरा धुतल्यानंतर मॉइश्चरायझर लावायला विसरू नका. यामुळे त्वचा मुलायम होते.
साबुदाण्यामधील अँटिऑक्सिडंट चेहऱ्यावरील मुरूम, पिंपल्स, काळे डाग आणि सुरकुत्या कमी करतात आणि त्वचा अधिक चमकदार बनवतात.
घरगुती कोणतेही प्रोडक्ट चेहऱ्यावर लावताना सर्वात आधी त्याची पॅच टेस्ट करा. कारण आपली त्वचा खूप संवेदनशील असते.