Shreya Maskar
टिफिनसाठी झटपट उत्तप्पा बनवा. हा पदार्थ खाण्यासाठी हेल्दी आहे. तसेच फक्त ५-१० मिनिटांत तयार होतो.
उत्तप्पा बनवण्यासाठी गव्हाचं पीठ, मीठ, बेकिंग सोडा, टोमॅटो, कांदा, कोथिंबीर, तेल, मोहरी, जिरे, हिंग, कढीपत्ता, लसूण आणि हिरव्या मिरची इत्यादी साहित्य लागते.
उत्तपा बनवण्यासाठी बाऊलमध्ये गव्हाचं पीठ, मीठ, तिखट, बेकिंग सोडा टाकून घट्टसर पेस्ट तयार करून घ्या. मिश्रण जास्त पातळ होणार नाही याची काळजी घ्या.
पॅनमध्ये तेल गरम करून त्यात लसूण पेस्ट, हिरव्या मिरच्यांचे तुकडे टाका. छान फोडणी तडतडू द्या.
तयार फोडणी गव्हाच्या पिठाच्या मिश्रणात टाका आणि सर्व एकजीव करून घ्या. ज्यामुळे पदार्थाची चव आणखी वाढेल.
पॅन गरम करून त्यात तेल टाकून गव्हाच्या पिठाचे मिश्रण चांगले पसरवून घ्या. त्यावर बारीक चिरलेला कांदा, टोमॅटो, कोथिंबीर घाला.
उत्तप्पा तेलात मस्त गोल्डन फ्राय करा. तुम्ही पॅनवर गव्हाच्या पिठाचे मिश्रण टाकण्यापूर्वी थोडे पाणी देखील शिंपडा. जेणेकरून पीठ पॅनला चिकटणार नाही.
तयार उत्तप्पा तुम्ही सॉस, पुदिना चटणी आणि नारळाच्या चटणीसोबत खाऊ शकता.