ब्युरो रिपोर्ट, साम टीव्ही, मुंबई
बटाट्याचा साधारणपणे वापर स्वयंपाक घरात केला जातो.
मात्र तुम्हाला माहिती आहे का याचं बटाट्याचा वापर घरगुती वस्तुंना चमक देण्यासाठी देखील केला जातो.
जर तुमचा तवा सततच्या वापराने काळा पडला असेल तर किंवा गंज चढला असल्यास बटाट्यावर बेकिंग सोडा घेऊन तो तव्यावर चोळावा.
लाकडी फर्निचर स्वच्छ करण्यासाठी बटाटे खिसून त्यावर थोडे मीठ आणि व्हिनेगर मिक्स करा या मिश्रणाने फर्निचर तुम्ही स्वच्छ करा.
गंजलेल्या चाकूवर बटाट्याचे काप करून चोळा असे केल्याने गंजलेल्या चाकूवरचा गंज निघण्यास मदत होते.
तुमच्या घरातील देवघरातील वस्तू किंवा मूर्ती तसेच चांदीचे दागिने बटाट्याच्या पाण्यात काही वेळासाठी ठेवा त्यानंतर ब्रशने स्वच्छ करा.
तुमच्या चष्मावरील डाग स्वच्छ करण्यासाठी कच्चा बटाटा चष्म्यावरील काच वर हलक्या हाताने चोळा याने नक्कीच फायदा दिसून येईल.
स्वयंपाक घरातील जळालेली भांडी स्वच्छ करण्यासाठी लिंबाचा रस भांड्याना लावून ते भांडे बटाट्याने घासावे.
लेदर शूजला चमक येण्यासाठी चिरलेला बटाटा त्यावर चोळावा नंतर एका कापडने शूज पुसावे असे केल्याने तुम्हाला शु पॉलिशची गरज भासणार नाही.
सदर लेख फक्त सामान्य माहितीसाठी आहे. याचा आमच्याशी कोणताही संबंध नाही