Shreya Maskar
कधीकधी लघवी करताना फेस दिसतो किंवा कधीकधी पिवळी लघवी होते. पिवळी लघवी अनेकदा डिहायड्रेशन दर्शवते, परंतु जर लघवीला फेस येत असेल, तर ते अनेक आजारांचे लक्षण असू शकते.
तुम्हाला किडनीच्या समस्या असतील तर फेस असलेली लघवी दिसू शकते. किडनीशी संबंधित समस्यांमध्ये किडनी स्टोन, क्रॉनिक किडनी डिसीज, ग्लोमेरुलोनेफ्रायटिस आणि नेफ्रोटिक सिंड्रोम यांचा समावेश होतो.
पिवळी लघवी, लघवी करताना वेदना आणि फेसयुक्त लघवी ही सर्व युरिन इन्फेक्शनची लक्षणे आहेत. मूत्रमार्गात जिवाणूंचा संसर्ग झाला असेल, तर फेसयुक्त लघवीसोबत तीव्र जळजळ, दुर्गंधी आणि वारंवार लघवी होणे ही लक्षणे दिसू शकतात.
दीर्घकाळ रक्तातील साखरेचे प्रमाण जास्त असणे आणि उच्च रक्तदाबामुळे देखील फेसयुक्त लघवी होऊ शकते. यामुळे मूत्रपिंडांवर ताण येतो, ज्यामुळे फेसयुक्त किंवा पिवळी लघवी होते.
शरीरात अतिरिक्त प्रथिने असणे ही देखील एक समस्या आहे आणि जेव्हा असे होते, तेव्हा मूत्रपिंडांवर सर्वात आधी परिणाम होतो. प्रथिने लघवीमध्ये आढळू शकतात आणि फेस म्हणून दिसू शकतात. या स्थितीला प्रोटीन्युरिया म्हणतात.
कमी पाणी प्याल, तर डिहायड्रेशनमुळे लघवीला फेस येऊ शकतो. ही समस्या पावसाळ्यात आणि हिवाळ्यात जास्त जाणवते.
त्वरित डॉक्टरांचा सल्ला घ्या. तसेच पुरेसे पाणी प्या, मीठाचे प्रमाण कमी ठेवा, लक्षणे कायम राहिल्यास युरिन टेस्ट करा आणि क्तदाब आणि रक्तातील साखर नियंत्रणात ठेवा.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.