Shruti Vilas Kadam
शरीरातील युरिक ॲसिडचे प्रमाण वाढल्यास काही लोकांच्या सांध्यांमध्ये त्याचे स्फटिक जमा होऊ शकतात. त्यामुळे विशेषतः पायाच्या अंगठ्यात अचानक तीव्र वेदना होतात.
युरिक ॲसिडचे स्फटिक सांध्यांमध्ये जमा झाल्यामुळे सूज आणि जळजळ निर्माण होऊ शकते. पायाचे अंगठे, घोटे, गुडघे आणि मनगट यांसारख्या सांध्यांवर याचा परिणाम होऊ शकतो.
युरिक ॲसिडमुळे सांध्याभोवती त्वचा लाल दिसू शकते. त्या भागाला स्पर्श केल्यावर वेदना जास्त वाढतात.
युरिक ॲसिडमुळे सांधा तुलनेत गरम वाटू शकतो. युरिक ॲसिडमुळे होणाऱ्या दाहामुळे असे घडते. मात्र, सांधा लाल होणे, गरम वाटणे आणि ताप येणे अशी लक्षणे असल्यास तातडीने डॉक्टरांना दाखवा.
सांध्यांमध्ये वेदना आणि सूज असल्यामुळे चालणे, जिने चढणे किंवा पाय वाकवणे कठीण होते.
काही लोकांमध्ये युरिक ॲसिडमुळे किडनी स्टोन होण्याचा धोका वाढतो. त्यामुळे कंबरेच्या बाजूला वेदना, लघवी करताना त्रास किंवा लघवीत रक्त दिसणे अशी लक्षणे जाणवतात.
युरिक ॲसिडचे प्रमाण वाढले तरी अनेकांना सुरुवातीला कोणताही त्रास जाणवत नाही. रक्ततपासणीत त्याचे प्रमाण वाढल्याचे समजू शकते.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.