Shruti Vilas Kadam
महिलांच्या शरीरात हार्मोन्समध्ये वेगवेगळ्या टप्प्यांवर बदल होत असतात. मात्र, वयाच्या ३० वर्षांनंतर होणारा प्रत्येक बदल हा मेनोपॉजचा असतो असे नाही. थकवा, झोपेच्या समस्या किंवा मूडमध्ये बदल देखील कारणीभूत ठरताता.
मेनोपॉजच्या आधीच्या काळात म्हणजेच पेरीमेनोपॉजमध्ये मासिक पाळी अनियमित होऊ शकते. पाळी लवकर किंवा उशिरा येणे, रक्तस्रावाचे प्रमाण बदलणे अशी लक्षणे दिसू शकतात.
शरीरात अचानक उष्णता जाणवणे, चेहरा किंवा मान गरम होणे आणि रात्री घाम येणे ही मेनोपॉजशी संबंधित सामान्य लक्षणे आहेत. मात्र, ही लक्षणे केवळ मेनोपॉजमुळेच होतात असे नाही.
मेनोपॉजच्या संक्रमण काळात काही महिलांना झोपेच्या समस्या, चिडचिड, चिंता किंवा मूडमध्ये बदल जाणवू शकतात. ही लक्षणे दैनंदिन जीवनावर परिणाम करत असल्यास डॉक्टरांचा सल्ला घ्यावा.
बहुतेक महिलांमध्ये नैसर्गिक मेनोपॉज साधारणपणे वयाच्या ४५ ते ५५ वर्षांदरम्यान येतो. वयाच्या ४० वर्षांपूर्वी मेनोपॉज आल्यास त्याला अकाली मेनोपॉज म्हटले जाते. त्यामुळे तिशीत लक्षणे जाणवल्यास त्याकडे दुर्लक्ष करु नका.
सलग १२ महिने मासिक पाळी न आल्यास आणि त्यामागे अन्य वैद्यकीय कारण नसल्यास मेनोपॉज झाल्याचे मानले जाते.
मासिक पाळीतील बदल, अचानक गरम होणे किंवा झोपेच्या समस्या असल्यास स्त्रीरोगतज्ज्ञांचा सल्ला घ्या. प्रत्येक लक्षणाचा संबंध मेनोपॉजशी जोडू नका.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.