Manasvi Choudhary
अनेकदा, सकाळी झोपेतून उठल्यानंतर अस्वस्थ वाटते. मूड खराब होतो. अचानक आलेल्या थकव्यामुळे काम करण्याची इच्छाही होत नाही मात्र अशा स्थितीतही कामावर जाणं प्रत्येकासाठी बंधनकारक असते.
मात्र आता तुमचा मूड खराब असेल तर तुम्ही 'Unhappy Leave' घेऊ शकता. सध्या याच 'Unhappy Leave' पॉलिसीची सर्वत्र चर्चा रंगली आहे.
'Unhappy Leave' म्हणजे एखाद्या दिवशी तुमचा काम करायचा मूड नसेल तर तुम्ही सुट्टी घेऊ शकता.
नुकतंच चिनमधील 'पँग डोंग लाई' या प्रसिद्ध कंपनीने कर्मचाऱ्यासाठी अनहॅप्पी लिव्ह सुरू केली आहे. ज्याची सध्या जगभरात चर्चा रंगली आहे.
या धोरणाअंतर्गत जर एखाद्या कर्मचाऱ्याची मानसिक स्थिती ठीक नसेल तर त्याला भावनिकदृष्टया अस्वस्थ वाटत असेल तर तो सु्ट्टी घेऊ शकतो.
कर्मचाऱ्यांचे मानसिक स्वास्थ नीट राहण्यासाठी 'पँग डोंग लाई' चीनमधील प्रसिद्ध कंपनीने हा निर्णय घेतला आहे. या निर्णयाचे सध्या सर्वत्र कौतुक होत आहे.
'Unhappy Leave' पॉलिसी ही भारतात नाही तर चीनमध्ये सुरू करण्यात आल्याची माहिती समोर आली आहे.