Gangappa Pujari
राज्याचे माजी मुख्यमंत्री शिवसेनाप्रमुख उद्धव ठाकरे यांचा आज ६४ वा वाढदिवस.
राज्यभरातील शिवसैनिक, राजकीय नेत्यांनी उद्धव ठाकरे यांना फोन, सोशल मीडियावरुन शुभेच्छा दिल्या.
उद्धव ठाकरे यांच्या वाढदिवसानिमित्त राज्यभरातील शिवसैनिकांकडून विविध कार्यक्रमांचे आयोजन करण्यात आले आहे.
वाढदिवसानिमित्त मध्यरात्री शिवसैनिकांच्या उपस्थितीत मातोश्रीवर केक कापत उद्धव ठाकरे यांनी वाढदिवस साजरा केला.
उद्धव ठाकरे यांना वाढदिवसानिमित्त मिळालेले एक गिफ्ट सध्या सर्वत्र चर्चेत आहे.
हिंदुहृदयसम्राट शिवसेना प्रमुख बाळासाहेब ठाकरे यांचे २७ हजार हिऱ्यांनी साकारलेले एक अनोखे पोर्ट्रेट आज शिवसेना पक्षप्रमुख उद्धवसाहेब ठाकरे यांच्या वाढदिवसानिमित्त मातोश्री निवासस्थानी महाराष्ट्रातील तमाम निष्ठावान शिवसैनिकांकडून सप्रेम भेट म्हणून देण्यात आले.
शिवसेना उद्धव बाळासाहेब ठाकरे पक्षाचे प्रवक्ते आणि जनसंपर्कप्रमुख अॅड. हर्षल प्रधान यांच्या संकल्पनेतून साकारलेले आणि ख्यातनाम आर्टीष्ट शैलेश आचरेकर यांनी तयार केले आहे.
२७ हजार डायमंडनी साकारलेले हे पोर्ट्रेट बनवायला सहा महिन्यांचा कालावधी लागला. शैलेश आचरेकर यांनी अतिशय बारकाईन यावर काम केले आहे.