Shruti Vilas Kadam
स्किन फास्टिंग म्हणजे काही दिवस किंवा ठराविक कालावधीसाठी मेकअप, सीरम, मॉइश्चरायझर आणि इतर स्किनकेअर पॉडक्ट न वापरणे. यामुळे त्वचेला नैसर्गिकरित्या आराम मिळतो.
सतत विविध उत्पादने वापरल्यामुळे त्वचेचे नैसर्गिक तेल संतुलन बिघडू शकते. स्किन फास्टिंगमुळे त्वचा स्वतःचे तेल आणि ओलावा निर्माण करण्यास अधिक सक्षम होऊ शकते.
काही लोकांना स्किनकेअर उत्पादनांमुळे अॅलर्जी, लालसरपणा किंवा जळजळ होऊ शकते. अशा वेळी काही काळ उत्पादने टाळल्यास त्वचेला आराम मिळू शकतो.
कोरडी त्वचा, मुरुमांची समस्या किंवा त्वचारोग असलेल्या व्यक्तींनी स्किन फास्टिंग सुरू करण्यापूर्वी त्वचारोगतज्ज्ञांचा सल्ला घ्यावा. काही प्रकरणांमध्ये यामुळे समस्या वाढू शकतात.
दररोज मेकअप करणाऱ्या व्यक्तींना स्किन फास्टिंगमुळे त्वचेला श्वास घेण्याची संधी मिळते. त्यामुळे ओपन पोर्स बंद होण्याचा धोका कमी होऊ शकतो.
अचानक सर्व उत्पादने बंद करण्याऐवजी प्रथम अनावश्यक उत्पादने कमी करा. फक्त सौम्य फेसवॉश, मॉइश्चरायझर आणि सनस्क्रीन वापरत हळूहळू स्किन फास्टिंगचा अनुभव घ्या.
स्किन फास्टिंग दरम्यान त्वचेतील बदल लक्षपूर्वक पाहा. त्वचा अधिक कोरडी, तेलकट किंवा त्रासदायक वाटल्यास नियमित स्किनकेअर रूटीनकडे परत जाणे योग्य ठरू शकते.