Shreya Maskar
आजकाल मुलांचे अभ्यासापेक्षा मोबाईलमध्ये जास्त लक्ष असते. ज्यामुळे त्यांची अभ्यास करायची इच्छा होत नाही. यावर रामबाण उपाय जाणून घेऊयात.
लहान मुलांना मनोरंजनातून, खेळातून अभ्यासाची गोडी लावा. यामुळे त्यांचा अभ्यासात रस वाढेल आणि स्वतःहून मोबाईल ठेवून पुस्तक हातात घेतील.
सर्वात महत्त्वाचे मुलांना लहान वयात मोबाईल देऊ नका. यामुळे ते लवकरच डिजिटल युगात पाऊल ठेवतात. तसेच मोबाईल वापरताना त्यांच्या बाजूला बसा.
मुलांना पाटी, वहीवर चित्र काढायला लावा ज्यामुळे मुलांना लिहिण्याची, ऐकण्याची, एका जागी बसण्याची सवय लागेल. तसेच त्यांचा छंद देखील जोपासला जाईल.
पालकांनो मुलांना क्लासला टाकण्यापेक्षा तुम्ही स्वतः मुलांचा अभ्यास घ्या. मुलांसोबत वेळ घालवा. जेणेकरून त्यांना मोबाईलचे आकर्षण राहणार नाही.
मुलांना चित्रातून, कवितून, खेळातून, प्रश्नमंजुषेतून एखादा विषय समजवा. जेणेकरून ते कायम त्यांच्या लक्षात राहील.
मुलांच्या चांगल्या अभ्यासासाठी त्यांना पोषक आहार द्या. व्यायामाची सवय लावा. मुलांना मोबाईलचा वापर फक्त अभ्यासासाठी करू द्या.
मुलांच्या अभ्यासाचे वेळापत्रक तयार करा. जेणेकरून त्यांना एक शिस्त लागले. तसेच अभ्यास करावासा वाटेल.