Manasvi Choudhary
अनेकदा कामावरून, बाहेरून प्रवास करून आल्यानंतर चेहरा डल दिसतो. काळा पडलेला असते. बाहेरील धूळ आणि घामामुळे चेहऱ्यावर परिणाम होतो.
चेहऱ्यावर ब्लॅकहेड्स, पिंपल्स आणि डलनेस वाढतो यावर उपाय म्हणून अनेक महिला व मुली पार्लरमध्ये जाऊन महागडे फेशिअल करतात परंतू आज आम्ही तुम्हाला घरगुती सोपे उपाय सांगणार आहोत.
कच्चं दूध हे त्वचेसाठी नॅचरल क्लिंन्झर म्हणून काम करते. कच्च्या दुधात लिंबू मिक्स करा आणि चेहऱ्यावर लावा ५ मिनिटांनी चेहरा धुवा. यामुळे चेहऱ्यावरील सगळी धूळ आणि टॅनिंग निघून जाईल.
घाम आणि उन्हामुळे त्वचा डिहायड्रेट होते. यावर उपाय म्हणून तुम्ही कोरफड जेलमध्ये थोडे गुलाब पाणी मिक्स करून चेहऱ्याला मसाज करा.
बेसनाचा उपाया चेहऱ्यासाठी फायदेशीर मानला जातो. फार पूर्वीपासून लोक चेहऱ्यावर बेसन लावतात. बेसन पिठात दही आणि हळद मिक्स करून ही पेस्ट चेहऱ्यावर लावा आणि १० मिनिटांनी धुवा.
टोमॅटोमध्ये लायकोपीन असते, जे नैसर्गिक ब्लिचिंगचे काम करते. एक टोमॅटो अर्धा कापून त्यावर थोडी पिठीसाखर टाका आणि चेहऱ्यावर हलक्या हाताने स्क्रब करा.
किसलेल्या काकडीचा रस चेहऱ्यावर लावा. घामामुळे होणारी जळजळ कमी होते आणि त्वचा इन्स्टंट ग्लो करते.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.