Shreya Maskar
कुलाबा कॉजवे साऊथ मुंबईत येते. येथे नेहमीच पर्यटकांची वर्दळ असते येथे पावसाळी कपडे, रेनकोट, ॲक्सेसरीज आणि चप्पलांचे शेकडो डिझाईन्स पाहू शकता. स्ट्रीट शॉपिंग सोबतच तुम्ही येथे स्ट्रीट फूडचा आनंदही घेऊ शकता.
हिल रोड हे वांद्रे येथे येते. याठिकाणी वेगवेगळ्या प्रकारचे वेस्टर्न आउटफिट मिळतात. येथे तुम्हाला शॉर्ट जीन्स, रेनकोट आणि छत्रीचे विविध प्रकार पाहायला मिळतात.
क्रॉफोर्ड मार्केट हे मुंबईतील सर्वात जुने शॉपिंग मार्केट आहे. स्वयंपाकघरातील वस्तू, सजावटीच्या वस्तू येथे मोठ्या प्रमाणात मिळतात. तसेच सुंदर रेडीमेड ब्लाउजच्या डिझाइन्सही येथे उपलब्ध आहेत.
महिलांना शॉपिंगसाठी लोखंडवाला मार्केट बेस्ट ऑप्शन आहे. अंधेरी येथे लोखंडवाला मार्केट आहे. महिला, पुरुष, लहान मुलांसाठी येथे पावसाळी शूजच्या सुंदर व्हरायटी पाहायला मिळतात.
चर्चगेट येथे फॅशन स्ट्रीट आहे. येथे स्वस्तात मस्त कपडे आणि इतर सर्व गोष्टी मिळतात. अनेक वाटरप्रूफ गोष्टी देखील येथे मिळतात. मोबाईल आणि बॅग कव्हर देखील येथे उपलब्ध आहेत.
दादर होलसेल मार्केटमध्ये तुम्हाला फॅशनेबल छत्री आणि रेनकोट मिळतील. तसेच पावसाळ्यात नेसता येतील अशा साड्या देखील येथे मिळतात.
तरुणाईला मनसोक्त शॉपिंगचा आनंद घ्यायचा असेल तर लिंकिंग रोड बेस्ट ऑप्शन आहे. तुम्हाला येथे वाटरप्रूफ मेकअप प्रोडक्ट्स मिळतील. तसेच पावसाळ्यात ऑफिस आणि कॉलेजसाठी सुंदर ऑउटफिट खरेदी करू शकता.
झवेरी बाजार साऊथ मुंबईमध्ये येते. बजेट-फ्रेंडली ॲक्सेसरीज, इमिटेशन ज्वेलरी आणि पावसाळ्यात छत्र्यांचे विविध प्रकार आणि डिझाइन्स येथे पाहायला मिळतात.