Shreya Maskar
कोरड्या त्वचेसाठी स्वस्तात मस्त आणि सर्वात फायदेशीर उपाय म्हणजे हिवाळ्यात त्वचेला खोबरेल तेल लावा. जेणेकरून त्वचा मऊ होईल.
खोबरेल तेलात गुड फॅट्स असतात, जे आपल्या त्वचेवर संरक्षणात्मक थर तयार करतात. यामुळे त्वचा कोरडी पडत नाही आणि दीर्घकाळ मुलायम राहते.
बदामाचे तेल त्वचेच्या सौंदर्यासाठी गुणकारी आहे. त्वचा चमकदार बनवण्याठी बदामाचे तेल खूप फायदेशीर ठरते.
बदाम तेलामध्ये व्हिटॅमिन ई, फॅटी अ‍ॅसिड, प्रोटीन, झिंक हे महत्त्वाचे घटक असतात. ज्यामुळे त्वचा हेल्दी होते. तसेच बदामाचे तेल बाजारात सहज उपलब्ध आहे.
एलोवेरा जेल सर्व प्रकारच्या त्वचेसाठी फायदेशीर आहे. एलोवेरा जेलपासून अनेक फेसपॅक देखील बनवले जातात. यामुळे त्वचा कापसासारखी मऊ होते.
थंड वातावरण त्वचेतील आर्द्रता शोषून घेते. अशावेळी त्वचेला ओलावा मिळावा म्हणून एलोवेरा जेलचा वापर करा. एलोवेरा जेलमुळे त्वचा मॉइश्चरायझ होते. रोज सकाळी उठल्यावर ऑलिव्ह ऑइलने त्वचेला मसाज करा.
ऑलिव्ह ऑइलमध्ये अँटी-ऑक्सिडंट्स आणि अँटी-एजिंग घटक असतात. यामुळे त्वचेला कोणताही संसर्ग होत नाही. तसेच त्वचा मुलायम आणि चमकदार राहते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.