Shreya Maskar
ठाणे शहराच्या जवळ वसलेले 'बदलापूर' हे एक दिवसाच्या सहलीसाठी अतिशय उत्तम ठिकाण आहे. पावसाळ्यातील धबधबे, प्राचीन मंदिरे येथे पाहायला मिळतात.
बदलापूर येथील प्रमुख आकर्षणामध्ये कोंडेश्वर मंदिर, कोंडेश्वर धबधबा, बारवी धरण, चिखलोली धरण आणि विष्णूबाग सारखी सुंदर ठिकाणे आहेत.
कोंडेश्वर मंदिर हे प्रामुख्याने भगवान शिवाला (महादेव) समर्पित असलेले एक प्राचीन आणि प्रसिद्ध हिंदू मंदिर आहे. ते घनदाट जंगलात वसलेले आहे.
कोंडेश्वर धबधबा हा घनदाट जंगलाने आणि सह्याद्रीच्या उंच टेकड्यांनी वेढलेला एक अत्यंत निसर्गरम्य परिसर आहे. तुम्ही येथे निसर्गाच्या सानिध्यात भन्नाट फोटोशूट करू शकता.
बदलापूर येथील बारवी धरण हा ठाणे जिल्ह्यातील अनेक शहरे आणि औद्योगिक वसाहतींना पाणी पुरवणारा एक प्रमुख आणि अत्यंत महत्त्वाचा स्रोत आहे. येथे गेल्यावर सभोवतालच्या हिरव्यागार निसर्ग सौंदर्याचे विहंगम दृश्य पाहायला मिळते.
बदलापूर जवळ चिखलोली धरण आहे. हे ठिकाण वन डे ट्रिपसाठी उत्तम लोकेशन आहे. वीकेंडला तुम्ही येथे नक्की जाऊ शकता.
बॅरेज रिवर पॉइंट येथे नदीचे शांत आणि प्रसन्न दृश्य दिसते. तसेच येथून सूर्यास्ताचा सुंदर नजारा देखील पाहायला मिळतो. बदलापूरच्या जवळ सह्याद्रीच्या पर्वतरांगेत चंदेरी किल्ला हा एक ऐतिहासिक डोंगरी किल्ला आहे, जो ट्रेकिंगसाठी अत्यंत लोकप्रिय आहे.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.