ब्युरो रिपोर्ट, साम टीव्ही, मुंबई
आजकलच्या ताणतणावाने भरलेल्या जीवनात शारीरिक आरोग्यासह आणि मानसिक आरोग्याची काळजी घेणे गरजेचे आहे.
जेव्हा तुम्हाला ताण जाणवत असेल तेव्हा दीर्घ श्वास घ्या. दिर्घ श्वास घेतल्याने शरीरातील ऑक्सिजनची पातळी वाढते आणि मनाला आराम मिळतो.
मानसिक आरोग्यासाठी ध्यान एक प्रभावी मार्ग आहे. यामुळे ताण कमी होऊन मनाला शांती मिळते.
शारीरिक हालचालींमुळे एंडोर्फिन हार्मोन्स रिलीज होतात ज्याने मानसिक आणि शारीरिक ताण कमी होते.
चांगले संगीत किंवा गाणे ऐकल्याने मन प्रसन्न होते. आणि तणाव कमी होतो.
निसर्गासोबत वेळ घालवल्याने मनाला शांती मिळते. उद्यान किंवा बागेत जाऊन थोडा वेळ निसर्गाच्या सानिध्यात बसल्याने तणाव कमी होण्यास मदत होते.
शारीरिक आणि मानसिकदृष्या निरोगी राहण्यासाठी पुरेशा झोपेची गरज असते. झोप पूर्ण न झाल्यास ताण वाढत जातो. किमान ७ ते ८ तासांची झोप घ्या.
सकस आणि योग्य आहार घेतल्याने मानसिक तणाव कमी होण्यास मदत होते. त्यामुळे रोजच्या आहारात हिरव्या भाज्या, ताजी फळे आणि प्रथिनेयुक्त पदार्थांचा समावेश करावा.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
NEXT: आयपीएल मेगा लिलावात सर्वात महागडे ठरलेले टॉप 7 खेळाडू