Surabhi Jayashree Jagdish
सीताफळ खूप मऊ असेल तर त्यातील बिया वेगळ्या करणं कठीण होऊ शकतं. अशा वेळी सीताफळ काही वेळ रेफ्रिजरेटरमध्ये ठेवा जेणेकरून त्याचा गर थोडा घट्ट होईल. त्यानंतर फळाचे तुकडे करून गर एका भांड्यात काढा आणि हाताने किंवा चमच्याने बिया वेगळ्या करा.
सर्वप्रथम सीताफळाचे दोन भाग करा आणि चमच्याच्या मदतीने त्यातील गर एका वाटीत काढा. यामुळे गर सालीपासून सहज वेगळा होईल आणि तो काढताना कमी वेळ लागेल. त्यानंतर गरातील मोठ्या बिया हाताने वेगळ्या करा म्हणजे गरही व्यवस्थित गोळा करता येईल.
सीताफळाचा गर एका वाटीत काढल्यानंतर चमच्याने तो हलक्या हाताने कुस्करून घ्या. यामुळे गर आणि बिया वेगळ्या होण्यास मदत होईल आणि बिया सहज दिसू लागतील. मात्र गर जास्त कुस्करू नका कारण बिया तुटल्यास त्या गरातून वेगळ्या करणं कठीण होऊ शकतं.
सीताफळाच्या गरातील बिया वेगळ्या करण्यासाठी स्वयंपाकघरातील चाकूचा हलक्या हाताने वापर करू शकता. चाकू गरामध्ये हलक्या हाताने पुढे-मागे फिरवल्याने बिया गरापासून वेगळ्या करण्यास मदत होते. ही पद्धत वापरताना चाकू जोरात दाबू नका.
सीताफळापासून शेक किंवा आईस्क्रीम बनवायचं असेल तर आधी गरातील बिया काढून टाकणं गरजेचं आहे. यासाठी गर एका मोठ्या ताटात पसरवा म्हणजे बिया स्पष्ट दिसतील आणि त्या हाताने सहज काढता येतील.
सीताफळाच्या गरातून बिया वेगळ्या करण्यासाठी पळी किंवा चाळणी वापरून पाहू शकता. गर हलक्या हाताने पळी किंवा चाळणीतून वेगळा करताना बिया बाजूला काढता येतात. मात्र गरावर जास्त दाब देऊ नका.
सीताफळाचा शेक, आईस्क्रीम किंवा इतर पदार्थ बनवण्यापूर्वी गरातील सर्व बिया काळजीपूर्वक काढून टाका. बिया मिक्सरमध्ये घालून बारीक करू नका कारण त्या तुटून गरात मिसळू शकतात. त्यामुळे बिया वेगळ्या करणं कठीण होऊ शकतं.