Shreya Maskar
कानात शिट्टी वाजल्यासारखा, घंटा वाजल्यासारखा किंवा सतत भुणभुण केल्यासारखा आवाज येत असेल तर याला टिनिटस (Tinnitus) असे म्हणतात. बाहेरून कोणताही आवाज नसताना कानात आवाज ऐकू येतात.
कानाच्या नलिकेत जास्त मळ साचल्याने कान बंद झाल्यासारखे वाटणे, ऐकू कमी येणे आणि काही वेळा कानात आवाज येणे असे त्रास होऊ शकतात.
वाढते वय किंवा मोठ्या आवाजाच्या सतत संपर्कामुळे आतील कानातील नाजूक पेशींना नुकसान होऊ शकते. त्यामुळे शिट्टी किंवा घंटानादासारखा आवाज ऐकू येऊ शकतो.
मोठ्या आवाजात हेडफोन वापरणे, कारखान्यातील यंत्रांचा आवाज किंवा मोठ्या आवाजातील संगीत यांमुळे कानाच्या ऐकण्याच्या यंत्रणेवर परिणाम होऊ शकतो.
कानात संसर्ग किंवा द्रव साचल्यास वेदना, कान बंद झाल्यासारखे वाटणे, ऐकण्यात अडचण आणि कानात आवाज येणे अशी लक्षणे दिसू शकतात.
कानात येणारा आवाज हृदयाच्या ठोक्यांशी जुळत असेल, तर तो रक्तवाहिन्यांमधील रक्तप्रवाहाशी संबंधित असू शकतो.
मेनियर रोग हा आतील कानाचा विकार आहे. यामध्ये कानात आवाज येणे, ऐकण्याच्या क्षमतेत चढ-उतार होणे, कान भरल्यासारखे वाटणे आणि चक्कर येणे अशी लक्षणे जाणवू शकतात.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.