Shreya Maskar
मकर संक्रांतीचा सण काही दिवसांवर येऊन ठेपला आहे. या दिवशी तीळगूळपासून अनेक पदार्थ बनवले जातात. तुम्ही लाडूसोबत मऊसूत तीळ गुळाची पोळी बनवा.
तीळ गुळाची पोळी बनवण्यासाठी तीळ, शेंगदाणे, गूळ, मैदा, सुके किसलेले खोबरे, जायफळ, ड्रायफ्रूट्स आणि वेलची पावडर हे साहित्य लागेल.
तीळ गुळाची पोळी बनवण्यासाठी सर्वप्रथम तीळ, शेंगदाणे, गूळ, सुके किसलेले खोबरे, जायफळ आणि वेलची पावडर सगळे पदार्थ एकत्र करून मिक्सरमध्ये जाडसर वाटून घ्या.
एका परातीत मैद्याचे पीठ, पाणी आणि तूप टाकून कणिक चांगली मळून घ्या. तयार कणिक मऊ होण्यासाठी १५-२० मिनिटे बाजूला ठेवून द्या.
मैद्याच्या पिठाचा गोळा करून एक पुरी लाटून घ्या. यात मिक्सरमधून काढलेले तिळाचे मिश्रण टाकून तीळ गुळाची पोळी लाटून घ्या.
पॅनमध्ये तूप टाकून तीळ गुळाची पोळी खरपूस भाजून घ्या. त्यानंतर तीळ गुळाची पोळी दूध किंवा तुपासोबत खा.
तुम्ही यात तुमच्या आवडत्या ड्रायफ्रूट्सची पावडर देखील टाकू शकता. यामुळे तीळ गुळाची पोळी अधिक पौष्टिक होते. लहान मुलांना खूप आवडेल.
मकर संक्रांतीला पतंग उत्सवाचा आनंद घ्या. लहान मुलांचा हा आवडता सण आहे. उंच आकाशात येथे पतंग उडताना पाहायला मिळतात.