Shreya Maskar
मकर संक्रांतीला खास तिळाच्या वड्या बनवा. हा पदार्थ बनवायला अगदी सिंपल आणि खायला टेस्टी आहे. लहान मुलांना खूप आवडेल.
तिळाच्या वड्या बनवण्यासाठी तीळ, गूळ, साजूक तूप, शेंगदाण्याचा कुट, वेलची पूड, ड्रायफ्रूट्स इत्यादी साहित्य लागते. तुम्ही यात तुम्हाला आवडत असेल तर गुलाबाच्या पाकळ्या टाकू शकता.
तिळाच्या वड्या बनवण्यासाठी सर्वप्रथम एका पॅनमध्ये तीळ गरम करून मंद आचेवर गोल्डन फ्राय करा. तीळ जळणार नाही, याची काळजी घ्या.
तीळ २ ते ३ मिनिटे भाजून झाल्यानंतर ते एका डिशमध्ये काढून थंड होण्यासाठी ठेवून द्या. जेणेकरून वड्या जास्त कडक आणि चिकट होणार नाही.
दुसऱ्या पॅनमध्ये तूप गरम करून त्यात किसलेला गूळ घाला. हा गूळ चमच्याने सतत ढवळत राहा याचा पातळसर पाक तयार करून घ्यावा. गुठळ्या होणार नाही याची काळजी घ्या.
पाक तयार झाल्यावर यात भाजलेले तीळ, भाजलेल्या शेंगदाण्याचा कुट आणि वेलची पावडर घालून मिश्रण एकजीव करून घ्या. आता गॅस बंद करा.
एका ताटाला तूप लावून त्यात तिळाच्या वडीचे तयार मिश्रण ओतून समान पसरवून घ्या. त्यानंतर सुरीच्या मदतीने सुंदर वड्या पाडून घ्या.
तिळाच्या वड्या सेट होण्यासाठी फ्रिजमध्ये ५-६ तास ठेवून द्या. थंडाव्यामुळे त्या लवकर घट्ट होतात. त्यानंतर एका हवाबंद डब्यात तिळाच्या वड्या स्टोर करून ठेवा.