Dhanshri Shintre
गेल्या काही दिवसापासून कोल्हापूर जिल्ह्यात पडलेल्या पावसामुळे जिल्ह्यातील बहुतांशी धबधबे आता पूर्ण क्षमतेने वाहत आहेत.
विशेषतः राधानगरी गगनबावडा भुदरगड या तालुक्यातील निसर्गरम्य वातावरणात असलेले अनेक प्रसिद्ध धबधबे पर्यटकांचं लक्ष वेधून घेत आहेत.
भुदरगड धबधबा कोल्हापूर जिल्ह्यातील भुदरगड तालुक्यात वसलेला एक अप्रतिम निसर्गाने नटलेला धबधबा आहे.
मात्र भुदरगड तालुक्यातील भुदरगड किल्ल्याच्या पायथ्याशी असलेल्या चोपडेवाडी गावातील एक अपरिचित धबधबा पर्यटकांना खुणावतो आहे.
मान्सूनमध्ये हा धबधबा पूर्ण जलप्रपाताच्या रूपात वाहतो आणि त्याचे सौंदर्य पाहून पर्यटक भारावून जातात.
धबधबा पाहण्यासाठी कोल्हापूरहून ६०-७० किमी अंतर पार करावे लागते, जे बाइक आणि कारने सहज करता येते.
धबधब्याजवळ बरीचशी मोकळी जागा असल्यामुळे मित्रांसोबत पिकनिक, फोटोग्राफी आणि ट्रेकिंगचा आनंद घेता येतो.
पावसाळ्यात रस्ता थोडा निसरडा होतो, त्यामुळे ट्रेकिंग करताना योग्य चपला व सुरक्षितता बाळगणे आवश्यक आहे.