Shruti Vilas Kadam
दिवसभर शरीराला आवश्यक तेवढे पाणी न मिळाल्यास रात्री तीव्र तहान लागू शकते. उकाडा, जास्त घाम येणे किंवा दिवसभर शारीरिक मेहनत केल्यामुळे शरीराला अधिक द्रवपदार्थांची गरज भासू शकते.
रात्रीच्या जेवणात चिप्स, नमकीन, लोणचं किंवा पॅकेज्ड स्नॅक्ससारखे पदार्थ जास्त प्रमाणात खाल्ल्यास तहान वाढू शकते. यातील सोडियममुळे शरीराला अधिक पाण्याची गरज भासते.
नाक बंद होणे, अॅलर्जी, घोरणे किंवा झोपताना तोंडाने श्वास घेण्याची सवय असल्यास तोंड आणि घसा कोरडा पडतो. त्यामुळे रात्री अचानक पाणी प्यावेसे वाटू शकते.
सतत जास्त तहान लागणे हे मधुमेहाशी संबंधित लक्षण असू शकते. तहानेसोबत वारंवार लघवी होणे, थकवा, धूसर दिसणे किंवा कारण नसताना वजन कमी होणे अशी लक्षणे असल्यास डॉक्टरांचा सल्ला घेणे योग्य ठरते.
काही औषधांमुळे तोंड कोरडे पडू शकते किंवा शरीरातून द्रवपदार्थ अधिक प्रमाणात बाहेर जाऊ शकतात. त्यामुळे तहान वाढण्याची शक्यता असते. नवीन औषध सुरू केल्यानंतर अशी समस्या जाणवत असल्यास ते स्वतःहून बंद न करता डॉक्टरांशी चर्चा करावी.
संध्याकाळनंतर मोठ्या प्रमाणात चहा, कॉफी किंवा मद्यपान केल्यामुळे काही लोकांमध्ये तोंड कोरडे पडणे किंवा लघवीचे प्रमाण वाढणे यामुळे रात्री तहान लागू शकते.