Surabhi Jayashree Jagdish
कारमध्ये बसण्यापूर्वी चावीवरील अनलॉक बटण काही सेकंद दाबून ठेवा. असं केल्याने कारच्या सर्व खिडक्या आपोआप खाली उघडू शकतात. त्यामुळे उन्हात उभी असलेली कार वापरण्यापूर्वी आतील गरम हवा बाहेर काढता येते.
कारमधून बाहेर पडल्यानंतर खिडकी उघडी राहिल्यास चावीवरील लॉक बटण काही सेकंद दाबून ठेवा. यामुळे कारच्या सर्व खिडक्या आपोआप बंद होऊ शकतात. काही कारमध्ये याच फीचरच्या मदतीने सनरूफसुद्धा बंद करता येते.
कारच्या रिमोटची बॅटरी संपल्यास चावीमध्ये असलेली छोटी मेटल की बाहेर काढता येतं. या चावीच्या मदतीने कारचा दरवाजा हाताने उघडता येतो. त्यामुळे रिमोट काम करत नसतानाही कारमध्ये प्रवेश करणे शक्य होते.
मोठ्या पार्किंगमध्ये आपली कार नेमकी कुठे उभी केली आहे हे अनेकदा लक्षात राहत नाही. अशावेळी चावीवरील पॅनिक किंवा लॉक बटण काही सेकंद दाबून ठेवल्यास कारचा हॉर्न वाजू शकतो. त्याचवेळी कारचे दिवेही लागतात आणि त्यामुळे पार्किंगमध्ये गाडी शोधणं सोपं होतं.
कारच्या चावीवर डिक्कीसाठी बटण दिलेलं असतं. हे बटण दोनदा दाबल्यास किंवा काही सेकंद दाबून ठेवल्यास कारची डिक्की उघडू शकते. त्यामुळे सामान हातात असतानाही डिक्की उघडणे सोपे होते.
काही आधुनिक कारमध्ये रिमोट कीच्या मदतीने इंजिन आधीच सुरू करता येते. या फीचरमुळे कारमध्ये बसण्यापूर्वीच एसी सुरू करून केबिन थंड किंवा गरम करता येते. त्यामुळे कारमध्ये बसताना आतलं तापमान आरामदायी ठेवता येतं.
काही आधुनिक आणि इलेक्ट्रिक कारमध्ये रिमोटच्या बटणाने गाडी पुढे किंवा मागे घेता येते. या फीचरमुळे अरुंद पार्किंगमध्ये गाडी बाहेर काढणं किंवा जागेत लावणं सोपं होतं. यासाठी कारमध्ये बसण्याची गरज नसते.