Surabhi Jayashree Jagdish
योग्य आहार आणि नियमित शारीरिक हालचाल हृदय निरोगी ठेवण्यासाठी अत्यंत महत्त्वाची भूमिका बजावतात. संतुलित आहारामुळे शरीराला आवश्यक पोषण मिळते आणि कोलेस्ट्रॉल नियंत्रणात राहतं
हृदयाचे आरोग्य फक्त आहार आणि व्यायामावर अवलंबून नसतं तर इतर अनेक घटकही त्यावर परिणाम करतात. झोप, तणाव, प्रदूषण आणि दैनंदिन सवयी यांचा थेट संबंध हृदयाशी असतो. त्यामुळे या सर्व गोष्टींची काळजी घेणं आवश्यक आहे.
दररोज फक्त 6 तास झोप घेणं हृदयासाठी धोकादायक ठरू शकतं. सतत झोप कमी झाल्यास हार्ट फेल्युअर आणि स्ट्रोकचा धोका वाढतो. शरीराला दुरुस्ती आणि विश्रांतीसाठी पुरेशी झोप आवश्यक असतं अन्यथा हृदयावर अतिरिक्त ताण येतो.
वाहतुकीतील धूर आणि धुळीमुळे प्रदूषित हवा दीर्घकाळ श्वासात गेल्यास हृदयाच्या धमन्यांना नुकसान होतं. सूक्ष्म कणांमुळे धमन्यांमध्ये प्लाक जमा होऊन हार्ट अटॅकचा धोका वाढतो. त्यामुळे स्वच्छ हवेत राहण्याचा प्रयत्न करणं अत्यंत गरजेचं आहे.
सतत तणावाखाली राहिल्यास शरीरात कॉर्टिसोल हार्मोन वाढतो आणि रक्तदाब वाढतो. यामुळे हृदयावर अतिरिक्त दाब निर्माण होतो आणि हृदयाचे कार्य बिघडू शकतं. दीर्घकाळ तणाव राहिल्यास गंभीर हार्टच्या समस्यांचा धोका वाढतो.
दात आणि हिरड्यांची योग्य काळजी न घेतल्यास बॅक्टेरिया रक्तात जाऊन सूज निर्माण करतात. ही सूज हृदयाच्या आरोग्यावर वाईट परिणाम करते आणि हार्ट अटॅकचा धोका वाढतो. त्यामुळे नियमित दात घासणं आवश्यक आहे.
आतड्यांतील बॅक्टेरिया हृदयाच्या आरोग्यावर थेट परिणाम करतात आणि कोलेस्ट्रॉल नियंत्रित करतात. चुकीचा आहार घेतल्यास आतड्यांचं संतुलन बिघडतं. दही, ताक आणि फायबरयुक्त आहार घेतल्याने आतड्यांचं आणि हृदयाचं आरोग्य सुधारतं.