Surabhi Jayashree Jagdish
पावसाळ्यात वाढलेली आर्द्रता आणि संसर्गजन्य विषाणू आणि जीवाणूंमुळे आजारांचा धोका वाढतो. त्यामुळे शरीराची रोगप्रतिकारक शक्ती टिकवून ठेवणं अत्यंत महत्त्वाचं असतं. योग्य आहार, पुरेसं पाणी आणि पोषक ज्यूस यांचा समावेश केल्यास शरीराला संसर्गाशी लढण्यास मदत मिळू शकते.
संत्रं आणि गाजराचा ज्यूस व्हिटॅमिन C, बीटा-कॅरोटीन आणि अँटिऑक्सिडंट्सने समृद्ध असतो. हे घटक शरीरातील पेशींना संरक्षण देण्यास आणि रोगप्रतिकारक शक्ती मजबूत ठेवण्यास मदत करतात.
पालक, काकडी आणि आल्याचा ज्यूस शरीराला आवश्यक जीवनसत्त्वं, खनिजं आणि अँटिऑक्सिडंट्स पुरवतो. पालकातील पोषक तत्त्वं इम्युनिटीला सुधारण्यास मदत करतात.
डाळिंबाचा ज्यूस अँटिऑक्सिडंट्सचा उत्कृष्ट स्रोत मानला जातो. तो शरीरातील सूज कमी करण्यास आणि पेशींचं संरक्षण करण्यास मदत करू शकतो. नियमित प्रमाणात डाळिंबाचा रस घेतल्यास रोगप्रतिकारक शक्ती मजबूत राहण्यास मदत होते.
टोमॅटोमध्ये लाइकोपीन आणि व्हिटॅमिन C भरपूर प्रमाणात असतं. आल्यासोबत तयार केलेला हा ज्यूस शरीराची प्रतिकारशक्ती वाढवण्यासाठी उपयुक्त ठरू शकतो. तसंच हा ज्यूस शरीराला आवश्यक अँटिऑक्सिडंट्सही पुरवतो.
ज्यूस नेहमी ताज्या, स्वच्छ आणि नीट धुतलेल्या फळं-भाज्यांपासून तयार करावा. त्यामध्ये अतिरिक्त साखर किंवा कृत्रिम फ्लेवर टाळावेत. तयार केलेला ज्यूस लगेच पिणं पौष्टिक मानलं जातं.
इम्युनिटी वाढवण्यासाठी केवळ ज्यूसवर अवलंबून राहणं योग्य नाही. संतुलित आहार, पुरेशी झोप, नियमित व्यायाम आणि स्वच्छतेच्या सवयी यांचाही तितकाच महत्त्वाचा वाटा असतो. ज्यूस हा निरोगी जीवनशैलीचा पूरक भाग म्हणून घेतल्यास त्याचा अधिक चांगला फायदा मिळू शकतो.
ही माहिती विविध सार्वजनिक स्रोतांवर आधारित असून केवळ सामान्य माहितीसाठी देण्यात आली आहे. या माहितीची स्वतंत्र वैद्यकीय पडताळणी आम्ही केलेली नाही. कोणतीही लक्षणे आढळल्यास स्वतः निष्कर्ष काढण्याऐवजी तज्ज्ञ डॉक्टरांचा सल्ला घ्या.