Surabhi Jayashree Jagdish
सकाळी कोमट पाण्यात थोडा लिंबाचा रस मिसळून प्यायल्याने शरीराला द्रवपदार्थ मिळतात आणि लिंबामधून व्हिटॅमिन C मिळते. व्हिटॅमिन C हे अँटीऑक्सिडंट असून शरीरातील पेशींना ऑक्सिडेटिव्ह स्ट्रेसपासून संरक्षण देण्यास मदत करतं.
ग्रीन टीमध्ये कॅटेचिन्ससारखे पॉलीफेनॉल आणि अँटीऑक्सिडंट घटक असतात, ज्यांचा आरोग्यावर सकारात्मक परिणाम होऊ शकतो. काही संशोधनांमध्ये ग्रीन टीतील घटकांचा लिव्हरच्या आरोग्याशी संभाव्य संबंध आढळला आहे, मात्र फॅटी लिव्हरवर उपचार म्हणून तिचा वापर करण्यासाठी पुरेसा ठोस पुरावा नाही.
बीटमध्ये नायट्रेट्स, फोलेट आणि अँटीऑक्सिडंट घटक आढळतात, त्यामुळे तो पौष्टिक आहाराचा भाग ठरू शकतो. बीटमधील नैसर्गिक संयुगे रक्तवाहिन्यांच्या कार्याला आणि एकूण आरोग्याला मदत करू शकतात.
अनारामध्ये पॉलीफेनॉल आणि इतर अँटीऑक्सिडंट घटक मोठ्या प्रमाणात आढळतात. त्यामुळे मर्यादित प्रमाणात डाळिंब किंवा साखर न घातलेला रस संतुलित आहारात समाविष्ट करता येतो. हे लिव्हरसाठी फायदेशीर ठरतं.
लिव्हरच्या आरोग्यासाठी पेय निवडताना त्यामध्ये अतिरिक्त साखर, सिरप किंवा फ्लेवर्ड स्वीटनर्स घालणं टाळा. जास्त साखर आणि अतिरिक्त कॅलरींचं सेवन वजन वाढणं आणि फॅटी लिव्हरसारख्या समस्यांशी संबंधित असू शकतं.
लिव्हर निरोगी ठेवण्यासाठी केवळ एखादं पेय पिण्यापेक्षा संतुलित आहार, नियमित शारीरिक हालचाल आणि निरोगी वजन राखणं अधिक महत्त्वाचं आहे. मद्यपान टाळणं किंवा मर्यादित करणं आणि अनावश्यक औषधं किंवा सप्लिमेंट्स स्वतःहून न घेणंही लिव्हरच्या आरोग्यासाठी महत्त्वाचं आहे.
फक्त लिव्हरच्या आरोग्यासाठी नाही तर एकंदरीत आरोग्यासाठी हे ज्यूस फायदेशीर ठरू शकतात. अधिकतर सकाळच्या वेळेस हे ज्यूस पिणं फायदेशीर ठरू शकतं. मात्र तरीही प्रत्येकाने तज्ज्ञांच्या सल्लानुसारच हा ज्यूस प्यावा.
ही माहिती विविध सार्वजनिक स्रोतांवर आधारित असून केवळ सामान्य माहितीसाठी देण्यात आली आहे. या माहितीची स्वतंत्र वैद्यकीय पडताळणी आम्ही केलेली नाही. कोणतीही लक्षणे आढळल्यास स्वतः निष्कर्ष काढण्याऐवजी तज्ज्ञ डॉक्टरांचा सल्ला घ्या.