Shreya Maskar
कोकोनट आईस्क्रीम बनवण्यासाठी शहाळ्याची मलई, शहाळ्याचे पाणी, नारळाचे दूध, व्हिप क्रीम, कंडेन्स मिल्क, व्हॅनिला इसेन्स, शहाळ्याची मलई इत्यादी साहित्य लागते.
कोकोनट आईस्क्रीम बनवण्यासाठी सर्वप्रथम मिक्सरच्या भांड्यात शहाळ्याची मलई, शहाळ्याचे पाणी आणि नारळाचे दूध घालून मिक्स करा.
आता मोठ्या बाऊलमध्ये व्हिप क्रीम घेऊन ब्लेंडरच्या मदतीने १-२ मिनिटे चांगले फेटून घ्या.
फेटलेल्या मिश्रणात कंडेन्स मिल्क, व्हॅनिला इसेन्स आणि नारळाची पेस्ट घालून सर्व एकजीव करून घ्यावेत. सर्व मिश्रण नीट मिक्स कराल.
२-३ मिनिटे मिश्रण फेटून घ्या. तयार मिश्रणांत शहाळ्याचे बारीक तुकडे करून त्यात शहाळ्याची मलई मिक्स करा.
आईस्क्रीम व्यवस्थित सेट होण्यासाठी ८ ते १० तासांसाठी रेफ्रिजरेटर मध्ये ठेवून द्या. त्यानंतर गारेगार आईस्क्रीमचा आस्वाद घ्या.
अशाप्रकारे पार्लरसारखे कोकोनट आईस्क्रीम घरच्या घरी तयार झाले आहे. लहान मुलांना हे नक्की आवडेल. वाढदिवसाला, सणासुदीला नक्की घरी बनवा.
आईस्क्रीम सर्व्ह करताना त्यावर शहाळ्याच्या मलईचे बारीक तुकडे करून घाला. तसेच तुम्ही ड्रायफ्रूट्स देखील टाकू शकता. आईस्क्रीम ची चव वाढेल.