Chetan Bodke
मराठी टिव्ही आणि सिनेसृष्टीतून अभिनेता हार्दिक जोशी घराघरात पोहोचला आहे. अभिनेता कायमच इन्स्टाग्रामवर सक्रिय असतो.
गेल्या वर्षी हार्दिक आणि अक्षयाचं लग्न झालं. हे रिल लाईफ कपल आता रियल लाईफमध्येही एकमेकांचे कपल झालेले आहे.
नुकतंच हार्दिक जोशीने आपल्या वडिलांच्या वाढदिवशी त्यांना खास आलिशान महागडी कार गिफ्ट केली आहे. अभिनेत्याने हे फोटो त्याच्या इन्स्टाग्राम अकाऊंटवर शेअर केले.
अभिनेत्याच्या वडिलांचा वाढदिवस काल म्हणजेच २८ मार्चला होता. त्याने आपल्या वडिलांना महिंद्राची XUV700 गिफ्ट केलेली आहे.
शेअर केलेल्या फोटोंमध्ये, हार्दिक आणि अक्षया कुटुंबातील काही सदस्यांसोबत एका नव्याकोऱ्या गाडीसोबत पोज देताना पाहायला मिळत आहेत.
'खास व्यक्तीसाठी खास गिफ्ट, पप्पा वाढदिवसाच्या शुभेच्छा. माझी एक्सयूव्ही७००...' असं कॅप्शन देत हार्दिकने फोटो इन्स्टाग्रामवर शेअर केलेले आहेत.
हार्दिकने शेअर केलेल्या या फोटोंवर सोशल मीडियावर कौतुकाचा वर्षाव होत आहे.
हार्दिकच्या कामाबद्दल सांगायचे तर, अलीकडेच 'तुझेच मी गीत गात आहे' मालिकेत अभिनेत्याने पुनरागमन केले आहे.
गेल्या काही दिवसांपूर्वी, हार्दिक झी मराठीवरील 'जाऊ बाई गावात' या रिॲलिटी शोमध्ये सूत्रसंचालन करताना दिसला होता.