Shreya Maskar
अनेकांच्या दिवसाची सुरुवात गरमागरम चहाने होते. मात्र, चहा पिताना त्याचे तापमान, प्रमाण, साखरेचे प्रमाण आणि चहा पिण्याची वेळ याकडे लक्ष देणे महत्त्वाचे आहे. अतिशय गरम चहा पिण्याचे नुकसान जाणून घ्या.
वारंवार अतिगरम पेये प्यायल्याने अन्ननलिकेच्या आतील आवरणाला उष्णतेमुळे इजा होऊ शकते. त्यामुळे चहा थोडा थंड झाल्यानंतरच पिणे योग्य ठरते.
खूप गरम चहा प्यायल्याने जीभ, तोंडातील नाजूक त्वचा आणि घशातील ऊती भाजू शकतात. त्यामुळे जळजळ, वेदना किंवा गिळताना त्रास होऊ शकतो.
६५°C पेक्षा जास्त तापमानाची अतिगरम पेये नियमितपणे पिणे आणि अन्ननलिकेचा कर्करोग यांच्यात संबंध आढळला आहे. यात तापमान आणि सेवनाची सवय महत्त्वाची ठरते.
अतिगरम चहामुळे तोंड किंवा घशात भाजल्यासारखे झाल्यास काही काळ अन्न-पाणी गिळताना वेदना होऊ शकतात. तीव्र वेदना, गिळता न येणे, श्वास घेण्यास त्रास होणे ही लक्षणे दिसल्यास डॉक्टरांकडे जा.
चहा कपात ओतल्यानंतर काही मिनिटे थांबा. अतिगरम पेये पिण्याची सवय टाळा. चहा पिताना तोंड किंवा जीभ भाजत असेल, तर तो अजून थंड होऊ द्या.
चहा साधारण २ ते ३ मिनिटे उकळवा. जास्त चहा उकळल्याने त्याची चव बदलू शकते. चहामधील कॅफिनचे प्रमाण बदलते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.