Shreya Maskar
उन्हाळ्यात शरीराला हायड्रेट ठेवणे खूप महत्त्वाचे आहे. तुम्ही बाजारातील आईस्क्रीम खाण्यापेक्षा घरीच ताडगोळ्याचा थंडगार आईस्क्रीम बनवा. रेसिपी आताच नोट करा.
ताडगोळामध्ये अनेक पोषक घटक असतात. जे शरीराला हायड्रेट करतात. पचनशक्ती सुधारते. वजन नियंत्रणात राहते. त्वचेच्या समस्या होत नाही.
ताडगोळा आईस्क्रीम बनवण्यासाठी ताडगोळा, व्हिपिंग क्रीम, कंडेंस्ड मिल्क, नारळाचे दूध, व्हॅनिला इसेन्स, मिल्क पावडर आणि सुकामेवा इत्यादी साहित्य लागते.
ताडगोळा आईस्क्रीम बनवण्यासाठी सर्वप्रथम ताडगोळ्याचे साल काढून त्याते तुकडे करा. हे तुकडे ब्लेंडरमध्ये टाकून एक गुळगुळीत पल्प बनवा.
नंतर टेक्स्चर देण्यासाठी २-३ तुकडे बारीक चिरून बाजूला ठेवा. एका मोठ्या बाउलमध्ये थंड व्हिपिंग क्रीम फेटून घ्या.
व्हीप्ड क्रीममध्ये कंडेंस्ड मिल्क आणि नारळाचे दूध घालून चांगले एकजीव करून घ्या. यात तयार केलेला ताडगोळ्याचा गर आणि बारीक चिरलेले तुकडे मिक्स करा.
शेवटी या मिश्रणात मिल्क पावडर आणि ड्रायफ्रूट्सचे बारीक तुकडे करून टाका. जेणेकरून आईस्क्रीमला आणखी छान चव येईल.
मिश्रण एका हवाबंद डब्यात भरा, बर्फाचे खडे तयार होऊ नयेत म्हणून डबा क्लिंग रॅप सील करा. आईस्क्रीम सेट होण्यासाठी १०-१२ तास फ्रिझरमध्ये ठेवा.