Siddhi Hande
उपवास असल्यावर काय खावं, काय खाऊ नये हे समजत नाही. तुम्ही बटाटा, केळीचे वेफर्स खाल्लेच असतील.
तुम्ही आता रताळ्याचे वेफर्स ट्राय करा. हे वेफर्स खूप चविष्ट आणि पौष्टिक असतात.
रताळे, तेल, मीठ आणि तिखट
सर्वात आधी तुम्हाला रताळे स्वच्छ धुवून घ्यायचे आहेत. त्याची साल काढून टाका.
यानंतर रताळ्याचे किसणीने बारीक काप करुन घ्या.
हे काप सुती कापडावर पसरवून ठेवा. १०-१५ मिनिटे छान सुकू द्या. त्यातील पाणी पूर्ण निघून जाऊ द्या.
यानंतर कढईत तेल गरम करा. त्यात रताळ्याचे काप सोडा. हे काप कुरकुरीत होईपर्यंत तळून घ्या.
या रताळ्याच्या वेफर्सवर तुम्ही मिरची पावडर टाकून मिक्स करा. हे वेफर्स मस्त लागतात.