Shreya Maskar
संजय गांधी राष्ट्रीय उद्यान हे बोरीवलीमध्ये आहे. स्टेशनपासून रिक्षाने तुम्ही ५ मिनिटांत पोहचाला. येथे बोटिंग , सायकलिंग, ट्रेकिंगचा आनंद घेता येतो.
हँगिंग गार्डन्सला फिरोजशाह मेहता गार्डन्स असेही म्हणतात. मलबार हिलमध्ये हे उद्यान आहे. प्राण्यांच्या आकारातील वैशिष्ट्यपूर्ण कुंपणांसाठी हे ठिकाण प्रसिद्ध आहे. सूर्यास्ताचा सुंदर नजारा दिसतो.
कमला नेहरू पार्क हे 'म्हतारीचा बूट' म्हणून ओळखले जाते. येथून मरीन ड्राइव्ह आणि गिरगाव चौपाटीचे विहंगम दृश्य पाहायला मिळते. लहान मुलांना येथे खूप मजा- मस्ती करता येईल.
एलिफंटा लेणी हे ठिकाणे युनेस्को जागतिक वारसा स्थळांमध्ये येते. भगवान शंकरांना समर्पित असलेल्या आणि ५ व्या ते ७ व्या शतकातील भव्य बेसाल्ट शिल्पकाम असलेल्या शैलगृहांसाठी प्रसिद्ध आहेत.
१९ व्या शतकातील एक कृत्रिम जलाशय असलेले पवई तलाव हे एक शांत आणि निसर्गरम्य पर्यटनस्थळ म्हणून प्रसिद्ध आहे. विविध पक्ष्यांच्या प्रजाती येथे पाहायला मिळतात. जवळच एक हिरवेगार उद्यानही आहे.
गिरगाव चौपाटीवर लोक सायंकाळी सूर्यास्ताचा सुंदर नजारा पाहायला येतात. तसेच समुद्रकिनारी फिरत तेथील खाद्यपदार्थांचा आस्वाद घेतात.
मुंबईतील वर्सोवा समुद्रकिनारा हा मुंबईतील शांत आणि कमी गर्दीचे ठिकाण आहे. तुम्ही येथे घोडेस्वारीचा आनंद घेऊ शकता.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.