Siddhi Hande
उन्हाळ्यात नेहमी काहीतरी थंड खाण्याची इच्छा होते. उन्हाळ्यात मलाई कुल्फी खाण्याची मज्जा काही वेगळीच असते.
तुम्ही घरीच मलाई कुल्फी बनवू शकतात. मलाई कुल्फी बनवण्याची रेसिपी खूप सोपी आहे.
दूध, साखर, वेलची पूड, केशर, सुका मेवा, मिल्क पावडर
सर्वात आधी तुम्हाला जाडसर कढई घ्यायची आहे. त्यात दूध गरम करायला ठेवा.
दुधाला उकळी आल्यावर गॅस मध्यम करा. दूध जवळपास अर्धे आटवून घ्या. दुधाची साय ही सतत हलवत राहा.
दूध घट्ट झाल्यावर त्यात साखर, वेलची पूड, केशर आणि त्यात सुका मेवा घाला.
दूध रबडीसारखे घट्ट होऊ द्या. ५-७ मिनिटे शिजवून घ्या.
यानंतर तयार झालेले मिश्रण कुल्फी मोल्ड किंवा मटक्यांमध्ये भरु शकतात.
मोल्ड अॅल्युमिनियम फॉइलने झाकून ठेवा. ६ ते ८ तास रात्रभर फ्रिजरमध्ये ठेवा.
कुल्फी सेट झाल्यावर १०-१५ सेकंद पाण्यात मोल्ड ठेवा. त्यानंतर मोल्डमधून कुल्फी सहज बाहेर येईल.