Manasvi Choudhary
उन्हाळ्याच्या दिवसात शरीराला थंडावा मिळण्यासाठी थंड पदार्थाचे सेवन केले जाते. दही, लस्सी, ताक, फळांचे ज्यूस याचे सेवन केले जाते.
लस्सी हे अनेकांचे आवडते पेय आहे. आता तुम्ही घरच्याघरी लस्सी बनवू शकता. रेसिपी अगदी सोपी आहे.
लस्सी बनवण्यासाठी लागणारे साहित्य ताजे दही, साखर, वेलची पावडर, बर्फ, मलई आणि ड्रायफ्रुट्स आहे.
सर्वातआधी एका भांड्यात दही आणि साखर हे मिश्रण एकत्रित करा. दही चांगले घोटून घ्या. नंतर या मिश्रणात वेलची पावडर मिक्स करा आणि संपूर्ण मिश्रण व्यवस्थित मिक्स करा.
साखर पूर्ण विरघळ्यानंतर यात बर्फाचे खडे मिक्स करा. लस्सी ग्लासमध्ये ओता आणि त्यावर दूध मलई टाका.
तयार लस्सीमध्ये शेवटी ड्रायफ्रुट्स बारीक करून टाका आणि फ्रिजमध्ये लस्सी थंड करायला ठेवा. अशा प्रकारे घरच्या घरी थंडगार लस्सी तयार होईल.