Sakshi Sunil Jadhav
कैरी उन्हाळ्यात सगळ्यांच्याच घरात पाहायला मिळते. नुसती कैरी खाण्यापेक्षा तुम्ही तिचा वापर करुन कुरकुरीत आणि खमंग थालीपीठ तयार करु शकता.
किसलेली कच्ची कैरी १ कप, ज्वारी पीठ १ कप, बेसन ½ कप, तांदूळ पीठ ¼ कप, हिरवी मिरची २ (बारीक), कोथिंबीर, मीठ, हळद, लाल तिखट, जिरे, तीळ.
कच्ची कैरी सोलून बारीक किसून घ्या. त्यामुळे चव छान आंबटसर येते.
एका भांड्यात ज्वारी पीठ, बेसन आणि तांदूळ पीठ एकत्र मिक्स करुन घ्या.
आता त्यामध्ये मीठ, हळद, लाल तिखट, जिरं, तीळ, हिरवी मिरची आणि कोथिंबीर घाला.
आता किसलेली कैरी घालून सगळं मिश्रण एकत्र करुन घ्या.
थोडं थोडं पाणी घालून घट्ट पीठ मळून घ्या. जास्त पाण्याच्या वापर करु नका.
केळीच्या पानावर किंवा प्लास्टिकवर हाताने थापून मधोमध छोटी छिद्र करा.
तवा गरम करून थोडं तेल सोडा आणि थालीपीठ दोन्ही बाजूंनी खरपूस भाजा.
गरमागरम कैरीचं थालीपीठ लोणी, दही किंवा चटणीसोबत सर्व्ह करा.