Sakshi Sunil Jadhav
आपण धावपळीत वेळ वाचवण्यासाठी एकाच वेळी अनेक कामं करतो. पण बाथरूममध्ये वॉशिंग मशीन चालू असताना आंघोळ करणं ही सवय धोकादायक ठरू शकते. यामुळे विजेचा धक्का बसण्याचा गंभीर धोका निर्माण होतो.
बाथरूममध्ये पाणी आणि वीज दोन्ही एकत्र वापरलं जातं आणि अपघाताचा धोका वाढतो.
वॉशिंग मशीन चालू असताना त्यामध्ये सतत करंट प्रवाहित होत असतो.
शरीर ओलं असल्यामुळे विजेचा धक्का जास्त जोरात आणि तीव्रतेने बसू शकतो.
घरातील वायरिंग किंवा मशीनमध्ये काही बिघाड असेल तर करंट बाहेर येऊ शकतो.
अर्थिंग नीट नसेल तर करंट सुरक्षितपणे बाहेर जात नाही आणि अपघात होऊ शकतो.
मशीनमधली लहानशी खराबीही पाण्याच्या संपर्कात आल्यावर करंट पसरवू शकते. त्यामुळे प्लंबर आणि इलेक्ट्रिशियन वारंवार ही सवय टाळण्याचा सल्ला देतात.
वॉशिंग मशीन पूर्णपणे बंद झाल्यानंतरच बाथरूम वापरणं सुरक्षित आहे.
घरातील वायरिंग, अर्थिंग आणि इलेक्ट्रिक उपकरणांची वेळोवेळी तपासणी करणं अत्यावश्यक आहे.