Shreya Maskar
तुमच्या स्किन केअरमध्ये विड्याची पानांचा समावेश करा. पानांमध्ये अँटी-बॅक्टेरियल आणि अँटी-फंगल गुणधर्म असतात, जे पिंपल्स, पुरळ आणि त्वचेची जळजळ कमी करण्यास मदत करतात.
विड्याची पानांचा फेस पॅक बनवण्यासाठी विड्याची पाने वाटून ही पेस्ट तुमच्या चेहऱ्यावर लावा. तुम्ही त्यात दही, मुलतानी माती टाका. तुम्ही विड्याची पाने वाळवून त्याची पावडर बनवून साठवून ठेवा. ही पावडर हवाबंद डब्यात ठेवा.
महिन्यातून दोन-तीन वेळा हा फेस पॅक तुमच्या चेहऱ्यावर लावा. ज्यामुळे चेहऱ्यावर एक नैसर्गिक चमक येईल. काळे डाग आणि पिंपल्स कमी होतील.
आंघोळीच्या पाण्यात विड्याची पाने १५-२० मिनिटे भिजवून ठेवा आणि नंतर त्या पाण्याने आंघोळ करा. खाज, त्वचेची ॲलर्जी आणि पुरळ यांसारख्या समस्यांवर खूप फायदेशीर आहे.
विड्याची पाने पाण्यात उकळा आणि पाणी हिरवे झाल्यावर गाळून घ्या. प्रत्येक वेळी चेहरा धुण्यासाठी या पाण्याचा वापर करा. यामुळे तुमच्या त्वचेवरील सर्व जीवाणू नष्ट होतील आणि पिंपल्स येणार नाही.
विड्याच्या पानांमध्ये जिवाणूनाशक आणि त्वचा उजळवणारे घटक असतात, जे काळे डाग आणि व्रण हलके करण्यास मदत करतात. ज्यामुळे त्वचा चमकदार आणि मऊ होतो.
तुमची त्वचा संवेदनशील असेल तर तुम्हाला अनेकदा लालसरपणा आणि पुरळ त्वचेवर येते. अशावेळी विड्याची पाने चेहऱ्यावर चोळा, यामुळे कोणताही संसर्ग होत नाही.
घरगुती कोणतेही प्रोडक्ट चेहऱ्यावर लावताना सर्वात आधी त्याची पॅच टेस्ट करा. कारण आपली त्वचा खूप संवेदनशील असते.