Shreya Maskar
बहुतेक महिलांना मासिक पाळीच्या आधी आणि दरम्यान चेहऱ्यावर प्रचंड पिंपल्सचा त्रास होतो. पिंपल्समुळे चेहऱ्यावर काळे डाग देखील पडतात. अशावेळी त्वचा खूपच संवेदनशील होते. पिंपल्स कमी करण्यासाठी सिंपल घरगुती उपाय करा.
मासिक पाळीच्या काळात येणाऱ्या पिंपल्सपासून सुटका मिळवण्यासाठी कोरफडीच्या पानांमधील गर चेहऱ्यावर लावा आणि २० मिनिटे तसेच ठेवून नंतर थंड पाण्याने धुवा. हे दिवसातून दोनदा करा. चेहऱ्यावर एकही पिंपल्स येणार नाही.
कापसाच्या बोळ्यावर थोडे टी ट्री ऑइल घ्या आणि थेट पिंपल्सवर लावा. १० मिनिटे तसेच राहू द्या, नंतर थंड पाण्याने चेहरा स्वच्छ करा.
पिंपल्स घालवण्यासाठी दही देखील खूप उपयुक्त ठरते. तुम्ही बोटावर थोडे दही घेऊन ते चेहऱ्यावर २० मिनिटे लावून ठेवा, त्यानंतर थंड पाण्याने धुवा. तसेच त्वचेला मॉइश्चराइजर लावा.
बर्फाचा एक तुकडा स्वच्छ कापडात गुंडाळून ५ ते १० मिनिटे चेहऱ्यावर लावा. यामुळे त्वरित आराम मिळेल. त्वचा मऊ होते. तसेच चमकदार बनण्यास मदत मिळते.
एका बाऊलमध्ये हळद , पाणी आणि दूध मिक्स करून एक पेस्ट बनवा. ही पेस्ट पिंपल्सवर लावा आणि १५-२० मिनिटे तसेच राहू द्या, त्यानंतर थंड पाण्याने चेहरा धुवा.
मध आणि दालचिनी फेस मास्क चेहऱ्यावर लावा. यातील पोषक घटकांमुळे त्वचेला पोषण मिळते आणि चेहऱ्यावरील डाग, सूज कमी होते.
घरगुती कोणतेही प्रोडक्ट चेहऱ्यावर लावताना सर्वात आधी त्याची पॅच टेस्ट करा. कारण आपली त्वचा खूप संवेदनशील असते.