Shreya Maskar
त्वचा तज्ज्ञांच्या मते, सनस्क्रीन लावणे अत्यंत महत्त्वाचे आहे. सनस्क्रीन लावल्यानंतर तुमची त्वचा अधिक काळसर दिसत असेल तर कमी झिंक ऑक्साईड आणि टायटॅनियम डायऑक्साइड असलेले सनस्क्रीन निवडा.
टिंटेड सनस्क्रीन हा देखील एक उत्तम पर्याय आहे. टिंटेड सनस्क्रीन सूर्याच्या किरणांपासून तुमच्या त्वचेचे संरक्षण करते. त्वचेचा रंग उजळ करण्याचे काम करते. टिंटेड सनस्क्रीन तेलकट त्वचेसाठी अधिक चांगली आहे.
दह्यामध्ये लिंबाच्या रसाचे काही थेंब मिसळा. दह्यामधील लॅक्टिक ॲसिड सौम्य एक्सफोलिएंट म्हणून काम करते, तर लिंबामधील व्हिटॅमिन सी त्वचेचा काळपटपणा कमी करण्यास मदत करते. त्यामुळे हा दही-लिंबाचा फेस मास्क आठवड्यातून १-२ वेळा लावा.
रात्री झोपण्यापूर्वी चेहऱ्यावर शुद्ध, ताज्या कोरफडीचा गर लावा आणि सकाळी धुवा. कोरफडीमध्ये एलोइन नावाचा नैसर्गिक रंग द्रव्य कमी करणारा घटक असतो. जो तुमची काळवंडलेली त्वचा चमकदार बनवतो.
बाऊलमध्ये हळद, दही, कोरफडीचा गर मिसळा. पिग्मेंटेशन कमी करण्यासाठी आणि त्वचेला चमक आणण्यासाठी १०-१५ मिनिटे मास्क म्हणून लावा.
चेहऱ्यावर कच्च्या बटाट्याचा रस किंवा पातळ काप लावा, कारण त्यात नैसर्गिक घटक त्वचा उजळ करण्यास मदत करतात.
उन्हामुळे खराब झालेल्या त्वचेला आराम देण्यासाठी आणि उजळ करण्यासाठी काकडीचा रस आणि दुधाचे मिश्रण चेहऱ्यावर लावा. रात्री चेहरा पूर्णपणे स्वच्छ धुवा, जेणेकरून सनस्क्रीन आणि घामाचे सर्व अंश निघून जातील.
घरगुती कोणतेही प्रोडक्ट चेहऱ्यावर लावताना सर्वात आधी त्याची पॅच टेस्ट करा. कारण आपली त्वचा खूप संवेदनशील असते.