Shreya Maskar
आयुर्वेदिक उटणे बनवण्यासाठी एका स्वच्छ काचेच्या बरणीत बेसन, मसूर डाळीची पावडर, संत्र्याच्या सालीची पावडर , हळद, गुलाबाच्या पाकळ्यांची पावडर ,कडुलिंबाची पावडर, चंदन पावडर, तुळशी पावडर मिक्स करून ठेवा.
यात अजून तांदळाचे पीठ, ओट्सचे पीठ, मुलतानी माती, आवळा पावडर, कॉफी पावडर , सुक्या जास्वंदीची पावडर मिक्स करा. अशाप्रकारे आयुर्वेदिक पावडर तयार झाली.
तुमची त्वचा कोरडी असेल तर या पावडरमध्ये दूध, दही किंवा मध मिक्स करा.तेलकट त्वचा असेल तर गुलाबजल आणि कोरफड जेल वापरा. तसेच यात मध घालू नका.
त्वचा अति संवेदनशील असेल तर संत्र्याची पावडर, कॉफी वापरणे टाळा. त्या ऐवजी कोरफड आणि गुलाब पाणी वापरा. तसेच मुलतानी मातीचे प्रमाण कमी करा.
४-५ चमचे तयार पावडर घ्या. त्यात तुमच्या स्किन टाइपनुसार पदार्थ मिक्स करून एक गुळगुळीत पेस्ट तयार करा. तयार फेस पॅक तुमच्या हातांना, पायांना आणि मानेला लावा.
फेस पॅक १०-१२ मिनिटे चेहऱ्यावर ठेवून नंतर कोमट पाण्याने चेहरा धुवा. याचा वापर आठवड्यातून २-३ वेळा करा. जेणेकरून तुमचा चेहरा ग्लो करेल आणि हेल्दी राहील.
हे आयुर्वेदिक उटणे लावून त्वचेवरील मृत पेशी हळूहळू कमी होतात. त्वचा स्वच्छ आणि चमकदार होते.टॅनिंग कमी होते. त्वचा मऊ आणि गुळगुळीत होते. नैसर्गिक चमक मिळते.
घरगुती कोणतेही प्रोडक्ट चेहऱ्यावर लावताना सर्वात आधी त्याची पॅच टेस्ट करा. कारण आपली त्वचा खूप संवेदनशील असते.