Manasvi Choudhary
यंदा उन्हाच्या कडाक्याने मुंबईसह संपूर्ण राज्याला फटका बसला आहे. कडक ऊन, घामाच्या धारा यामुळे मुंबईकर चांगलेच हैराण झाले आहेत.
उन्हाळ्यात थंड हवेच्या ठिकाणी जायचं असेल तर मुंबईतील एकमेव ठिकाण म्हणजे काळमांडवी धबधब्याला भेट देऊ शकता.
पावसाळ्यात या धबधब्यावर पर्यटकांची गर्दी पाहायला मिळते अनेक ट्रेकर्स येथे भेट देतात.
पालघरमधील जव्हार शहराच्या दक्षिणेला हा धबधबा आहे वर्षभर कोसळणारा हा धबधबा पाहण्यासाठी उन्हाळ्यातही पर्यटक येतात.
काळमांडवी धबधबा महाराष्ट्रातील पालघर जिल्ह्यातील जव्हार तालुक्यात आहे. जव्हार शहरापासून ५ ते ६ किलोमीटर अंतरावर हा धबधबा आहे.
हा धबधबा सुमारे १०० फूट उंचीवरून खाली एका खोल दरीत कोसळतो त्यामुळे येथे गेल्यानंतर सावध राहणे महत्वाचे आहे.
या धबधब्याचे सर्वात मोठे वैशिष्ट्य म्हणजे बाराही महिने या धबधब्यात पाण्याचा प्रवाह सुरू असतो.