Shreya Maskar
उन्हाळ्यात जास्त घाम, वाढलेली आर्द्रता आणि उष्णता यामुळे टाळूला वारंवार खाज येते. घामामुळे टाळूवर धूळ आणि तेल जमा होऊन बुरशीजन्य संसर्ग होतो.
तसेच केसांची अस्वच्छता, कोंडा, त्वचेचा कोरडेपणा यांमुळे देखील टाळूला खाज येते. यावर रामबाण घरगुती उपाय, जाणून घेऊयात.
टाळूची खाज कमी करण्यासाठी कांद्याचा रस टाळूवर लावा आणि मालिश करा. त्यानंतर केस धुवा तुम्हाला खाजेपासून आराम मिळेल. केस चांगले कोरडे करा.
टाळूची खाज कमी करण्यासाठी कडुलिंब आणि जास्वंदीची पाने पाण्यात उकळा आणि पाणी अर्धे आटवा. तुम्ही या पाण्याने केस धुवा. जिवाणूनाशक आणि दाहशामक गुणधर्मांनी समृद्ध असलेले हे पाणी टाळूची खाज कमी करेल.
नारळाच्या तेलात कापूर मिसळून लावल्याने टाळूच्या खाजेपासून आराम मिळू शकतो. आठवड्यातून दोनदा याने मालिश केल्यावर, केसांची चांगली वाढ होते. कापूर टाळूच्या संसर्गावर उपचार करण्यास मदत करतो.
दह्यामध्ये जिवाणूनाशक गुणधर्म असतात. त्यामुळे टाळूवर मालिश केल्याने केवळ खाजच कमी होत नाही तर तुमचे केस चमकदार देखील होतात.
टाळूची खाज कमी करण्यासाठी पांढऱ्या व्हिनेगरचा वापर करा. पाण्यात व्हिनेगर मिसळा आणि त्या पाण्याने तुमचे केस स्वच्छ धुवा. जर खाज जास्त असेल, तर तुम्ही हे पाणी काही वेळ केसांवर तसेच ठेवू शकता.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.