Shreya Maskar
डोक्याला मालिश केल्यामुळे केसांच्या मुळांपर्यंत रक्तप्रवाह सुधारतो, ज्यामुळे केसांच्या वाढीस चालना मिळते आणि केस अधिक जाड, निरोगी आणि मजबूत बनतात.
केसांच्या वाढीस चालना देण्यासाठी गोलाकार गतीने डोक्याला मालिश करा. मालिश करताना बोटांचा किंवा स्कॅल्प ब्रशचा वापर करा.
हेअर मास्क केसांना खोलवर कंडिशनिंग देते. केळी, मध आणि अंड्याचा पिवळा बलक मिक्स करून हेअर मास्क बनवा आणि केसांना लावा. केसांची वाढ होऊन आणि चमकही येईल.
केळ्यांमधील सिलिका कोरडेपणा आणि कोंडा कमी करून केसांना मऊ आणि चमकदार बनवू शकते. आठवड्यातून एकदा तुमच्या केसांना केळ्याचा हेअर मास्क लावा.
रेशमी उशीचे (Pillow) कव्हर वापरणे केस आणि त्वचा या दोन्हींसाठी फायदेशीर आहे. रेशमी उशीचे कव्हर ८ तासांच्या हेअर मास्कप्रमाणे काम करते.
रेशमी उशीवरील नैसर्गिक रेशमाचे धागे तुमच्या केसांना ओलावा आणि आर्द्रता टिकवून ठेवण्यास मदत करतात. तर कव्हरमध्ये असलेले अमिनो ॲसिडचे मिश्रण रात्रभर केसांना मुलायम बनवते.
तांदळाचे पाणी जीवनसत्त्वे, खनिजे आणि अमिनो ॲसिडने समृद्ध असते. तांदळाचे पाणी केसांच्या वाढीस चालना देऊन त्यांना मजबूत करते, ज्यामुळे केसांना चमक येते.
तांदळाच्या पाण्यातील इनोसिटोल केसांचे नुकसान दुरूस्त करण्यास आणि केस गळणे कमी करण्यास मदत करते. हे हेअर केअर रूटीन तुम्ही उन्हाळ्यात आवर्जून फॉलो करा.