Shreya Maskar
धावपळीची जीवनशैली, कडक उन्हाळा यांमुळे केस गळतीचे प्रमाण वाढले असले तर बाजारातील महागडे प्रॉडक्ट वापरण्यापेक्षा घरगुती रामबाण उपाय करा. यामुळे केसांची वाढ झटपट होईल आणि केस चमकदार होतील.
केसांच्या वाढीसाठी खोबरेल तेल खूप फायदेशीर मानले जाते. ते केसांना पोषण देते आणि केसांच्या मुळांमध्ये सहजपणे शिरते, ज्यामुळे मुळांचे नुकसान होत नाही आणि ते तुटत नाही.
खोबरेल तेल वापरण्यापूर्वी ते थोडे गरम करा. यामुळे तेल टाळूमध्ये सहजपणे शोषले जाते आणि रक्ताभिसरण वाढून केसांची मुळे मजबूत होतात. तसेच केसांची वाढ चांगली होते.
आठवड्यातून फक्त दोन ते तीन वेळा खोबरेल तेलाने मालिश केल्याने तुमच्या केसांची वाढ हळूहळू वाढेल. केसांची घनताही सुधारेल आणि तुमच्या केसांना एक सुंदर चमक येऊ लागेल.
तुमचे केस मजबूत करण्यासाठी रोजमेरी तेल देखील एक उत्तम पर्याय आहे. जे केस गळती थांबवते आणि केसांच्या वाढीस प्रोत्साहन देते. त्यात दाहशामक (anti-inflammatory) गुणधर्म आहेत.
रोजमेरी तेल केसांच्या मुळांना लावा आणि अर्धा तास तसेच राहू द्या. आठवड्यातून २ ते ३ वेळा हे लावल्याचे केस गळती थांबेल आणि १५ दिवसांत केस वाढतील.
केसांची घनता वाढवण्यासाठी कोरफड देखील खूप उत्तम आहे. कोरफड तेल एरंडेल किंवा नारळाच्या तेलात मिसळून वापरणे खूप फायदेशीर ठरते.
एरंडेल तेल टाळूला पोषण देते आणि केसांच्या मुळांना मजबूत करते. त्यामुळे टाळूतील रक्तसंचार वाढतो. एरंडेल तेल नारळ किंवा ऑलिव्ह तेलात मिसळून वापरल्यास उत्कृष्ट परिणाम मिळतो.