Shreya Maskar
वाढत्या कडक उन्हामुळे त्वचा, केस चिकट आणि खराब होतात. गरम वारे, घाम आणि तीव्र सूर्यप्रकाशामुळे केसांची चमक कमी होते आणि ते लवकर तेलकट होतात.
उन्हाळ्यात वारंवार केस धुणे नेहमीच शक्य नसते, त्यामुळे हे टाळण्यासाठी घरीच हेअर मिस्ट बनवा आणि त्याचा वापर करा.
हेअर मिस्ट हे हलके स्प्रे आहेत, जे तुमच्या केसांवर आणि टाळूवर फवारल्यावर केसांना चमकदार आणि सिल्की करतात.केसांचा मऊपणा टिकवून ठेवण्यास मदत होते.
हेअर मिस्ट बनवण्यासाठी अर्धा कप गुलाब पाणी घ्या. त्यात दोन चमचे कोरफडीचा गर (जेल) घाला. त्यानंतर एका बाटलीत पाणी घेऊन हे सर्व मिश्रण मिक्स करा.
कोरफड आणि गुलाब पाणी उन्हाळ्यात तुमच्या त्वचेसाठी फायदेशीर आहे. यामुळे उन्हाळ्यात तुमचे केस कोरडे आणि निर्जीव वाटत नाही.
उन्हाळ्यात जेव्हा तुमचे केस खूप कोरडे दिसतील, तेव्हा हेअर मिस्ट टाळूवर तसेच केसांवर फवारा आणि नंतर कंगवा फिरवा.
गुलाब पाणी तुमच्या टाळूला थंडावा देते आणि हलका ओलावा टिकवून ठेवण्यास मदत करते. तर कोरफड टाळूची जळजळ आणि खाज कमी करण्यास मदत करते, तसेच तुमच्या केसांना हायड्रेट ठेवते.
घरगुती कोणतेही प्रोडक्ट चेहऱ्यावर लावताना सर्वात आधी त्याची पॅच टेस्ट करा. कारण आपली त्वचा खूप संवेदनशील असते.